ദുബൈ: സിറിയയിലെ യു.എ.ഇ എംബസിക്ക് നേരെ നടന്ന ആക്രമണവുമായി ബന്ധപ്പെട്ട് രണ്ടുപേരെ സിറിയന്‍ ആഭ്യന്തര മന്ത്രാലയത്തിന്റെ സുരക്ഷാ വിഭാഗം അറസ്റ്റ് ചെയ്തു. 'എം.എസ്', 'എസ്.എച്ച്.എ' എന്നിങ്ങനെ ചുരുക്കപ്പേരില്‍ തിരിച്ചറിഞ്ഞ ഇവരുടെ പങ്ക് സ്ഥിരീകരിച്ചിട്ടുണ്ടെന്ന് അധികൃതര്‍ വ്യക്തമാക്കി.
പ്രതികള്‍ക്കെതിരെ നിലവിലുള്ള ചട്ടങ്ങള്‍ അനുസരിച്ച് ആവശ്യമായ നിയമനടപടികള്‍ സ്വീകരിച്ചു കഴിഞ്ഞതായി മന്ത്രാലയം തങ്ങളുടെ ഔദ്യോഗിക ഫേസ്ബുക്ക് പേജില്‍ പുറത്തിറക്കിയ പ്രസ്താവനയില്‍ അറിയിച്ചു.
നയതന്ത്ര കാര്യാലയങ്ങള്‍ക്ക് നേരെയുള്ള ഏത് ആക്രമണവും ഒരു തരത്തിലും അംഗീകരിക്കാന്‍ കഴിയാത്തതാണെന്നും അത്തരം പ്രവര്‍ത്തികള്‍ വെച്ചുപൊറുപ്പിക്കില്ലെന്നും മന്ത്രാലയം വ്യക്തമാക്കി. നയതന്ത്ര മിഷനുകള്‍ക്ക് പൂര്‍ണ്ണ സുരക്ഷ ഒരുക്കുന്നതിലും, നയതന്ത്ര ചട്ടങ്ങള്‍ പൂര്‍ണ്ണമായി പാലിക്കപ്പെടുന്നുണ്ടെന്ന് ഉറപ്പുവരുത്തുന്നതിലും തങ്ങള്‍ പ്രതിജ്ഞാബദ്ധരാണെന്നും മന്ത്രാലയം കൂട്ടിച്ചേര്‍ത്തു.

Summary: Security units affiliated with the Syrian Ministry of Interior have arrested two suspects, identified as “M.S.” and “Sh.A.”, whose involvement in the attack on the UAE Embassy premises has been confirmed.