പാലക്കാട്: വോട്ടര്‍പട്ടിക ക്രമീകരിക്കുന്നതിലുണ്ടായ പാളിച്ചകള്‍ മൂലം ഒരേ വീട്ടിലെ താമസക്കാര്‍ക്ക് വ്യത്യസ്ത ബൂത്തുകളില്‍ വോട്ട് ചെയ്യേണ്ട അവസ്ഥ. പാലക്കാട് പിരായിരി ഉള്‍പ്പെടെയുള്ള പ്രദേശങ്ങളിലാണ് വോട്ടര്‍മാര്‍ക്ക് വന്‍ തോതില്‍ ബുദ്ധിമുട്ട് നേരിടുന്നത്. സാധരണഗതിയില്‍ ഒരു കുടുംബത്തിലെ അംഗങ്ങളുടെ പേര് വോട്ടര്‍പട്ടികയില്‍ അടുത്തടുത്താണ് വരാറുള്ളതെങ്കിലും ഇത്തവണ പലര്‍ക്കും വാര്‍ഡുകള്‍ പോലും മാറിപ്പോയതായാണ് പരാതി.

എസ്.ഐ.ആര്‍ (Special Interactive Revision) നടപടികള്‍ പൂര്‍ത്തിയായിട്ടും പട്ടിക കൃത്യമായി ക്രമീകരിക്കാത്തതാണ് ഈ പ്രതിസന്ധിക്ക് കാരണമായത്. ഇതോടെ ഭാര്യക്കും ഭര്‍ത്താവിനും രണ്ട് ബൂത്തുകളിലായി വോട്ട് ചെയ്യേണ്ട സാഹചര്യമാണ് നിലവിലുള്ളത്.

ALSO READ: ആലപ്പുഴയില്‍ രാഹുല്‍ഗാന്ധിക്ക് സ്ഥാനാര്‍ഥിയുടെ വക 'നെയ്മീന്‍' സര്‍പ്രൈസ്; നാല് കിലോ തൂക്കമുള്ള മുഴുത്ത മീന്‍ സമ്മാനമായി നല്‍കി

വോട്ടര്‍മാരെ കണ്ടെത്താന്‍ പ്രയാസപ്പെടുന്നതിനൊപ്പം, സ്വന്തം വീട്ടില്‍ നിന്നും അകലെയുള്ള ബൂത്തുകളിലേക്ക് പോയി വോട്ട് ചെയ്യാന്‍ ആളുകള്‍ മടിക്കുമോ എന്ന ആശങ്കയിലാണ് രാഷ്ട്രീയ പാര്‍ട്ടികള്‍. ബൂത്തുകളില്‍ സ്ലിപ്പുകള്‍ വിതരണം ചെയ്യുന്നതിനും വോട്ടര്‍മാരെ ബൂത്തിലെത്തിക്കുന്നതിനും ഇത് വലിയ വെല്ലുവിളിയായി മാറിയിരിക്കുകയാണ്.

Political parties and voters in Palakkad are facing a major crisis as family members residing in the same house have been assigned to different polling booths and wards due to unorganized voter list updates.