പത്തനംതിട്ട: കേരളത്തില്‍ വോട്ടെടുപ്പ് പുരോഗമിക്കുന്നതിനിടെ വോട്ടിങ് മെഷീനില്‍ വീണാ ജോര്‍ജ്ജിന്റെ ഫോട്ടോയ്ക്ക് മാത്രമേ വ്യക്തതയുള്ളൂ എന്ന പരാതിയുമായി കോണ്‍ഗ്രസ്. മറ്റു സ്ഥാനാര്‍ഥികളുടെ ഫോട്ടോ തെളിഞ്ഞു കാണുന്നില്ലെന്നാണ് ആക്ഷേപം. മല്ലപ്പുഴശേരി ബൂത്തിലാണ് ആദ്യം ആക്ഷേപം ഉയര്‍ന്നത്. യു.ഡി.എഫ് ജില്ലാ കളക്ടറെ വിളിച്ച് പരാതി അറിയിച്ചു. പിന്നാലെ പരാതി പരിശോധിക്കുമെന്ന് ജില്ലാ കലക്ടര്‍ എസ് പ്രേം കൃഷ്ണന്‍ അറിയിച്ചു. 

മണ്ഡലത്തിലെ എല്ലാ ബൂത്തുകളിലുമുള്ള വോട്ടിങ് യന്ത്രത്തിലും ഇങ്ങനെയാണെന്നും തെരഞ്ഞെടുപ്പ് കമ്മിഷനില്‍ വരെ ഇവര്‍ക്കെല്ലാം ഇത്രയ്ക്ക് സ്വാധീനമുണ്ടോയെന്നും ആന്റോ ആന്റണി ചോദിച്ചു. 

അതേസമയം, 2021നേക്കാളും വലിയ ഭൂരിപക്ഷത്തില്‍ ആറന്മുളയില്‍ എല്‍.ഡി.എഫ് വിജയിക്കുമെന്ന് സ്ഥാനാര്‍ത്ഥി വീണാ ജോര്‍ജ് പറഞ്ഞു. തെരഞ്ഞെടുപ്പിന്റെ ആദ്യഘട്ടം മുതല്‍ തനിക്കെതിരെ അധിക്ഷേപങ്ങള്‍ ഉയരുന്നുണ്ടെന്നും ആറന്മുളയില്‍ പോളിങ് ശതമാനം ഉയരുമെന്നും വീണ ജോര്‍ജ് പറഞ്ഞു.

A complaint has been raised alleging that only the photo of candidate Veena George appears clearly on the voting machine, prompting concerns over fairness. Reacting to the issue, Anto Antony questioned whether such visibility could influence voters.