ആലപ്പുഴ: എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശനും മുതിർന്ന സിപിഎം നേതാവ് ജി. സുധാകരനുമെതിരെ കടുത്ത ആരോപണങ്ങളുമായി മുൻ കായംകുളം എംഎൽഎ യു. പ്രതിഭ. മകനെ മാധ്യമങ്ങളിലൂടെ അവഹേളിച്ച വെള്ളാപ്പള്ളിക്കെതിരെ നിയമനടപടി സ്വീകരിക്കാൻ യു. പ്രതിഭ സിപിഎം ജില്ലാ കമ്മിറ്റിയിൽ അനുമതി തേടി. എന്നാൽ, ഇക്കാര്യത്തിൽ പാർട്ടി ജില്ലാ നേതൃത്വം ഇതുവരെ ഔദ്യോഗികമായി പ്രതികരിച്ചിട്ടില്ല.

അമ്പലപ്പുഴ എംഎല്‍എയും പ്രോടേം സ്പീക്കറുമായ ജി. സുധാകരനെയും പ്രതിഭ കടുത്ത ഭാഷയിൽ വിമർശിച്ചു. കായംകുളത്ത് തന്നെ തോൽപിക്കാൻ ജി. സുധാകരൻ പലരെയും ഫോണിൽ വിളിച്ച് സ്വാധീനിക്കാൻ ശ്രമിച്ചതായി പ്രതിഭ ആരോപിച്ചു. അമ്പലപ്പുഴയിലും സുധാകരൻ സമാനമായ നീക്കങ്ങൾ നടത്തിയെന്നും 'ഇയാൾ എന്താ കുട്ടിച്ചാത്തനാണോ' എന്നും പ്രതിഭ ചോദിച്ചു.

ALSO READ: പയ്യോളിയിൽ മത്സ്യബന്ധനത്തിന് പോയ വയോധികൻ പുഴയിൽ മുങ്ങിമരിച്ച നിലയിൽ; മൃതദേഹം കണ്ടെത്തിയത് കണ്ടൽക്കാടുകൾക്കിടയിൽ

2021-ൽ ജി. സുധാകരൻ പിരിച്ച പണത്തിന്റെ കണക്കുകൾ പാർട്ടിക്ക് കൈമാറിയിട്ടില്ല, ഈ വിവരങ്ങൾ ജനങ്ങളിൽ നിന്ന് പാർട്ടി മറച്ചുവെച്ചു, ഇതിനുള്ള ഫ്രതിഫലമാണ് സുധാകരൻ പാർട്ടിക്ക് നൽകിയെന്നും പ്രതിഭ കുറ്റപ്പെടുത്തി.