ദുബൈ: യുഎഇയിലെ വിദ്യാഭ്യാസ സ്ഥാപനങ്ങളിൽ വിദൂര പഠനം മെയ് 1 വരെ നീട്ടിയെന്ന തരത്തിൽ സോഷ്യൽ മീഡിയയിൽ പ്രചരിക്കുന്ന വാർത്തകൾ നിഷേദിച്ച് വിദ്യാഭ്യാസ മന്ത്രാലയം. ഇത്തരമൊരു തീരുമാനം നിലവിൽ എടുത്തിട്ടില്ലെന്നും പ്രചരിക്കുന്ന വാർത്തകൾ അടിസ്ഥാനരഹിതമാണെന്നും മന്ത്രാലയം ഔദ്യോഗിക പ്രസ്താവനയിൽ വ്യക്തമാക്കി.

വിദ്യാഭ്യാസ മേഖലയുമായി ബന്ധപ്പെട്ട എല്ലാ അപ്‌ഡേറ്റുകൾക്കും മന്ത്രാലയത്തിന്റെ ഔദ്യോഗിക ചാനലുകളെ മാത്രം ആശ്രയിക്കാൻ പൊതുജനങ്ങളോട് അഭ്യർത്ഥിച്ചു. നിലവിലെ ഷെഡ്യൂളുകൾ പ്രകാരം തന്നെ ക്ലാസുകൾ തുടരും. തെറ്റായ വിവരങ്ങൾ പ്രചരിപ്പിക്കുന്നത് ഒഴിവാക്കണമെന്നും അധികൃതർ കൂട്ടിച്ചേർത്തു.

ALSO READ: 10 ആരോഗ്യ പരിപാലന സൂചികകളില്‍ ആഗോള തലത്തില്‍ ഒന്നാമതായി യു.എ.ഇ

മാർച്ച് 30-ന് പുറത്തിറക്കിയ അറിയിപ്പ് പ്രകാരം രാജ്യത്തെ നഴ്സറികൾ, കിന്റർഗാർട്ടനുകൾ, പൊതു-സ്വകാര്യ സ്കൂളുകൾ എന്നിവിടങ്ങളിൽ ഏപ്രിൽ 17 വെള്ളിയാഴ്ച വരെയാണ് വിദൂര പഠനം നിശ്ചയിച്ചിരിക്കുന്നത്. വിദ്യാർത്ഥികളുടെയും അധ്യാപകരുടെയും സുരക്ഷ കണക്കിലെടുത്താണ് ഈ തീരുമാനം എടുത്തത്.

നിലവിലെ സ്ഥിതിഗതികൾ അധികൃതർ ആഴ്ചതോറും വിലയിരുത്തുന്നുണ്ട്. ഏപ്രിൽ 17-ന് ശേഷമുള്ള കാര്യങ്ങളിൽ എന്തെങ്കിലും മാറ്റമുണ്ടെങ്കിൽ അത് ഔദ്യോഗികമായി അറിയിക്കും.

പ്രാദേശിക സാഹചര്യങ്ങളെത്തുടർന്ന് വസന്തകാല അവധിക്ക് ശേഷം മാർച്ച് മാസത്തിലാണ് യുഎഇയിൽ വിദൂര പഠന സംവിധാനം ആരംഭിച്ചത്. വിദേശത്തുള്ളവർ ഉൾപ്പെടെയുള്ള വിദ്യാർത്ഥികൾക്കും ജീവനക്കാർക്കും തടസ്സമില്ലാതെ വിദ്യാഭ്യാസം ഉറപ്പാക്കാൻ നിലവിലെ ഓൺലൈൻ സംവിധാനം സഹായിക്കുന്നുണ്ട്.

uae authorities confirm that news about remote learning extension until may 1 is false. the ministry urges residents and students to rely only on official announcements and avoid spreading misinformation through social media and unofficial sources across the country.