തിരുവനന്തപുരം: സംസ്ഥാനത്ത് നാളെ മുതൽ മിൽമ പാലിനും തൈരിനും വില വർദ്ധിക്കും. പാലിന് ലിറ്ററിന് നാല് രൂപയുടെ വർദ്ധനവാണ് പ്രാബല്യത്തിൽ വരുന്നത്. വർദ്ധിപ്പിക്കുന്ന തുകയിൽ 3.35 രൂപ കർഷകർക്ക് നേരിട്ട് ലഭിക്കുമെന്ന് മിൽമ മാനേജ്‌മെന്റ് അറിയിച്ചു.

എട്ട് മാസം മുൻപ് എടുത്ത തീരുമാനമാണ് ഇപ്പോൾ നടപ്പിലാക്കുന്നത്. ഹൈക്കോടതി ഉത്തരവിന്റെ അടിസ്ഥാനത്തിലാണ് വിലവർദ്ധനവെന്നും, വിഷയത്തിൽ സർക്കാരിന് ഇടപെടുന്നതിൽ പരിമിതികളുണ്ടെന്നും അധികൃതർ വ്യക്തമാക്കി.

പാലിനൊപ്പം തൈരിന്റെ വിലയും വർദ്ധിപ്പിച്ചിട്ടുണ്ട്. കിലോയ്ക്ക് 10 രൂപയുടെ വർദ്ധനവാണ് തൈരിന് ഉണ്ടായിരിക്കുന്നത്. അതേസമയം, ഉപഭോക്താക്കൾക്ക് താൽക്കാലിക ആശ്വാസമായി മിൽമയുടെ മറ്റ് ഉൽപ്പന്നങ്ങളായ നെയ്യ്, ഐസ്‌ക്രീം തുടങ്ങിയവയുടെ വിലയിൽ നിലവിൽ മാറ്റമുണ്ടാകില്ലെന്നാണ് വിവരം.

Milk and curd prices across the state are set to increase starting tomorrow. Dairy cooperatives and major brands announced the price hike due to rising production, processing, and transportation costs. This price revision is expected to impact the daily budget of households and local businesses.