പത്തനംതിട്ട: സമൂഹമാധ്യമങ്ങളിലൂടെ മുഖ്യമന്ത്രി പിണറായി വിജയന്റെ മകള്‍ വീണാ വിജയനെ അപമാനിച്ചെന്ന പരാതിയില്‍ കേസെടുത്തു പത്തനംതിട്ട സൈബര്‍ പൊലിസാണ് കേസെടുത്തത്. ബിനു എസ് നായര്‍ എന്ന പേരിലുള്ള അക്കൗണ്ടിനെതിരെ ആയിരുന്നു പരാതി.

ബി.എന്‍.എസ് പ്രകാരവും ഐ.ടി ആക്ട് പ്രകാരവുമാണ് പൊലിസ് കേസെടുത്തിരിക്കുന്നത്. സമൂഹമാധ്യമങ്ങള്‍ വഴി സ്ത്രീയെ അപമാനിക്കുന്ന തരത്തിലുള്ള ലൈംഗിക/അശ്ലീല പരാമര്‍ശങ്ങള്‍ നടത്തിയെന്നായിരുന്നു പരാതി. ഇയാള്‍ക്കെതിരെ എഫ്.ഐ.ആര്‍ രജിസ്റ്റര്‍ ചെയ്ത് അന്വേഷണം നടത്തണമെന്നും കര്‍ശനമായ നിയമനടപടികള്‍ സ്വീകരിക്കണമെന്നും പരാതിയില്‍ പറയുന്നു. പരാതിക്ക് ആസ്പദമായ ഉള്ളടക്കം സമൂഹമാധ്യത്തില്‍ നിന്ന് ഉടന്‍ നീക്കം ചെയ്യുന്നതിനുള്ള നടപടി സ്വീകരിക്കണമെന്നും പരാതിയില്‍ ആവശ്യപ്പെടുന്നു. 

ഡി.വൈ.എഫ്.ഐ അടൂര്‍ ബ്ലോക്ക് സെക്രട്ടറി വിഷ്ണു ഗോപാലാണ് പരാതി നല്‍കിയത്. പത്തനംതിട്ട ജില്ലാ പൊലിസ് മേധാവിക്ക് ആയിരുന്നു പരാതി നല്‍കിയത്.

A case has been registered by the cyber police after abusive remarks were made against the daughter of Pinarayi Vijayan on social media. Acting on a complaint, authorities have initiated legal proceedings under relevant cyber laws.