വാഷിങ്ടൺ: ട്രംപിന്റെ ബുദ്ധി ഉൾപ്പെടെ വിശദമായ ആരോഗ്യ പരിശോധനയുടെ റിപ്പോർട്ട് പുറത്തുവിട്ട് വൈറ്റ്ഹൗസ്.  ട്രംപ് പൂർണ ആരോഗ്യവാനാണെന്നു അദ്ദേഹത്തിന്റെ ഡോക്ടർ സീൻ ബർബാബെല്ല പറഞ്ഞു. അദ്ദേഹത്തിന്റെ ഹൃദയം പൂർണ ആരോഗ്യത്തോടെയിരിക്കുന്നുവെന്നും ശ്വാസകോശവും ഞരമ്പുകളും പ്രവർത്തനം തൃപ്തികരമാണെന്നും റിപ്പോർട്ടിൽ പറയുന്നു.

ട്രംപിന്റെ മാനസികാരോഗ്യം, ബുദ്ധിശക്തി എന്നിവയെ കുറിച്ച് പരിശോധന വേണമെന്ന് അമേരിക്കക്കാർ ആവശ്യമുന്നയിച്ചിരുന്നു. അദ്ദേഹത്തിന്റെ ബുദ്ധിശക്തി, മാനസികാരോഗ്യ റിപ്പോർട്ടുകളും പുറത്തുവന്നു. ചൊവ്വാഴ്ച വാൽട്ടർ റീഡ് നാഷനൽ മിലിട്ടറി മെഡിക്കൽ സെന്ററിലാണ് ട്രംപ് വൈദ്യ പരിശോധനയ്ക്ക് വിധേയനായത്.

ട്രംപിന്റെ കൈകളിലെ വീക്കം, കഴുത്തിലെ അടയാളം എന്നിവ സംബന്ധിച്ച് വാർത്തകൾ വന്നിരുന്നു. ട്രംപ് ആരോഗ്യവാനല്ലെന്നും അസുഖ ബാധിതനാണെന്നമുള്ള പ്രചാരണം ഉണ്ടായിരുന്നു. പ്രസിഡന്റിന്റെ പതിവ് മെഡിക്കൽ പരിശോധനയ്ക്കു പുറമേ ഇത്തവണ കൂടുതൽ ആഴത്തിലുള്ള പരിശോധനയും നടന്നു.

ട്രംപിന് ജൂൺ 14ന് 80 വയസ് പൂർത്തിയാകുകയാണ്. ഈ സാഹചര്യത്തിലാണ് മാനസികാരോഗ്യ പരിശോധനയും നടന്നത്. കഴിഞ്ഞ വർഷം മുതലാണ് ട്രംപിന്റെ കാലിൽ നീര് പ്രത്യക്ഷപ്പെട്ടത്. കൈകളിൽ തൊലിപ്പുറത്ത് ചൊറിച്ചിലും ഉണ്ടായിരുന്നു. ഇത് കഴിഞ്ഞ ഒക്ടോബറിൽ എം.ആർ.ഐ പരിശോധനയ്ക്ക് വിധേയമാക്കിയിരുന്നു. അദ്ദേഹത്തിന്റെ ശരീര ഭാരം പൊണ്ണത്തടി വിഭാഗത്തിലേക്ക് നീങ്ങുന്നുവെന്നാണ് പരിശോധന റിപ്പോർട്ട്. 190 സെ.മി (6 അടി 3 ഇഞ്ച്) ആണ് ട്രംപിന്റെ ഉയരം. 108 കിലോഗ്രാമാണ് ഭാരം.

The White House has officially released a medical report confirming that former President Donald Trump's mental health and intelligence are in "perfect" condition following a series of standardized evaluations.