കോഴിക്കോട്: കോഴിക്കോട് ജില്ലയിലെ കോണ്‍ഗ്രസ് നേതൃത്വത്തെ പ്രതിരോധത്തിലാക്കി ഡിസിസി ജനറല്‍ സെക്രട്ടറി നിജേഷ് അരവിന്ദ് രാജിവച്ചു. തെരഞ്ഞെടുപ്പ് പ്രചാരണ പ്രവര്‍ത്തനങ്ങളില്‍ നിന്നും തന്നെ ബോധപൂര്‍വം മാറ്റി നിര്‍ത്തി എന്നും അവഗണിച്ചു എന്നും ആരോപിച്ചാണ് രാജി നല്‍കിയത്. രാജിക്കത്ത് കെപിസിസി നേതൃത്വത്തിന് കൈമാറുകയും ചെയ്തു.

ബാലുശ്ശേരി നിയോജക മണ്ഡലത്തിലെ പ്രചാരണ പരിപാടികളില്‍ നിന്ന് തന്നെ പൂര്‍ണ്ണമായും ഒഴിവാക്കിയെന്നാണ് നിജേഷിന്റെ പ്രധാന പരാതി. തെരഞ്ഞെടുപ്പ് പ്രവര്‍ത്തനങ്ങളില്‍ സജീവമാകാന്‍ അനുവദിക്കാതെ തന്നെ ഇരുട്ടില്‍ നിര്‍ത്തിയതായും അദ്ദേഹം ആരോപിക്കുന്നു. നേരത്തെ നിയമസഭാ സ്ഥാനാര്‍ത്ഥി പട്ടികയില്‍ നിജേഷ് അരവിന്ദിനെ പരിഗണിക്കാത്തതിലും അദ്ദേഹം പ്രതിഷേധത്തിലായിരുന്നു. തിരഞ്ഞെടുപ്പ് നിര്‍ണ്ണായക ഘട്ടത്തിലെത്തിനില്‍ക്കെ മുതിര്‍ന്ന ഭാരവാഹി രാജിവച്ചത് പാര്‍ട്ടിക്ക് തലവേദനയായിരിക്കുകയാണ്.

Kozhikode DCC General Secretary Nijesh Aravind resigned from his post, alleging that he was intentionally sidelined and excluded from election campaign activities in the Balussery constituency.