കൊച്ചി: പോസ്റ്റല്‍ ബാലറ്റ് പ്രതിസന്ധിയില്‍ ഹൈക്കോടതി തെരഞ്ഞെടുപ്പ് കമ്മീഷനോട് വിശദീകരണം തേടി . ചൊവ്വാഴ്ചക്കകം മറുപടി നല്‍കാനാണ് കോടതി നിര്‍ദ്ദേശിച്ചിരിക്കുന്നത്. പോസ്റ്റല്‍ ബാലറ്റ് ഇതുവരെ കിട്ടിയില്ലെന്നാണ്  പോളിങ് ഉദ്യോഗസ്ഥര്‍ ഹരജിയില്‍ ചൂണ്ടിക്കാട്ടിയിരിക്കുന്നത്. തെരഞ്ഞെടുപ്പ് കമ്മീഷന്‍ പോസ്റ്റല്‍ ബാലറ്റ് നല്‍കാത്തതിനാല്‍ വോട്ട് ചെയ്യാനായില്ലെന്നും പരാതി നല്‍കിയിട്ടും കമ്മീഷന്‍ നടപടിയെടുത്തില്ലെന്നും ഹരജിക്കാര്‍ പറയുന്നു. കമ്മീഷന്‍ ഭരണഘടനാ അവകാശം നിഷേധിക്കുന്നുവെന്നും ഉദ്യോഗസ്ഥര്‍ ചൂണ്ടിക്കാട്ടി. ചൊവ്വാഴ്ച ഹൈക്കോടതി ഹരജി വീണ്ടും പരിഗണിക്കും.

ALSO READ: 'മുഖ്യമന്ത്രി ചർച്ചയിൽ തെറ്റില്ല, ഇത് കോൺഗ്രസ് ശൈലി'; എം.കെ രാഘവന് പിന്തുണയുമായി കെ. സുധാകരൻ

തെരഞ്ഞെടുപ്പ് കമ്മീഷനെതിരെ ഗുരുതരാരോപണമാണ് സര്‍ക്കാര്‍ ജീവനക്കാരുടെ സംഘടനകള്‍ ഉന്നയിക്കുന്നത്. പോളിംഗ് ഉദ്യോഗസ്ഥരുടെ പോസ്റ്റല്‍ ബാലറ്റുമായി ബന്ധപ്പെട്ട് തെരഞ്ഞെടുപ്പ് കമ്മീഷന്‍ പുറത്തുവിട്ട കണക്ക് തെറ്റാണെന്ന് അവര്‍ പറയുന്നു. 20,145 ഉദ്യോഗസ്ഥര്‍ക്ക് വോട്ട് ചെയ്യാന്‍ സാധിച്ചിട്ടില്ലെന്ന് ഫെഡറേഷന്‍ ഓഫ് സ്റ്റേറ്റ് എംപ്ലോയീസ് ആന്‍ഡ് ടീച്ചേഴ്‌സ് ഓര്‍ഗനൈസേഷന്‍ ആരോപിച്ചു. 96 ശതമാനത്തിന് മുകളില്‍ ഉദ്യോഗസ്ഥര്‍ വോട്ട് ചെയ്തു എന്നാണ് കമ്മീഷന്‍ പുറത്തു വിട്ട കണക്ക്. ഈ കണക്ക് ശരിയല്ലെന്ന് സര്‍വീസ് സംഘടനകള്‍ ചൂണ്ടിക്കാട്ടുന്നു. 

സര്‍വിസ് വോട്ടുള്ളവര്‍ക്ക് വോട്ടെണ്ണല്‍ ദിനം വരെ ബാലറ്റ് നല്‍കുന്നത് പോലെ വോട്ട് നഷ്ടമായര്‍ക്ക് വോട്ടെടുപ്പിനുള്ള അവസരം ഒരുക്കണമെന്ന് സംഘടനകള്‍ ആവശ്യപ്പെടുന്നു. വിഷയത്തില്‍ മുഖ്യ തെരഞ്ഞെടുപ്പ് ഓഫിസറുടെ കാര്യാലയത്തിലേക്ക് ഇടത് സര്‍വീസ് സംഘടനകള്‍ പ്രതിഷേധ മാര്‍ച്ച് സംഘടിപ്പിച്ചിരുന്നു. 

high court directs election commission to respond by tuesday regarding concerns over postal ballot irregularities and related issues