തിരുവനന്തപുരം: സംസ്ഥാനത്തെ സ്കൂളുകളിൽ നാളെ മുതൽ ആരംഭിക്കാനിരുന്ന അവധിക്കാല പഠന പിന്തുണ ക്ലാസുകളുടെ സമയത്തിൽ മാറ്റം വരുത്തി. പുതുക്കിയ ക്രമീകരണ പ്രകാരം രാവിലെ 7.30 മുതൽ 10.30 വരെയാകും ക്ലാസുകൾ നടക്കുക. സംസ്ഥാനത്ത് ചൂട് വർധിക്കുന്ന സാഹചര്യത്തിലാണ് 10.30-ന് ശേഷം ക്ലാസുകൾ പാടില്ലെന്ന ബാലാവകാശ കമ്മിഷന്റെ കർശന ഉത്തരവിനെത്തുടർന്നാണ് വിദ്യാഭ്യാസ വകുപ്പിന്റെ ഈ അടിയന്തര നീക്കം.

നേരത്തെ രാവിലെ 9.30 മുതൽ 11.30 വരെയായിരുന്നു ക്ലാസുകൾ നിശ്ചയിച്ചിരുന്നത്. എന്നാൽ, ക്ലാസുകൾ തുടങ്ങാൻ മണിക്കൂറുകൾ മാത്രം ബാക്കിനിൽക്കെ ഇന്ന് വൈകിട്ടോടെയാണ് സമയമാറ്റം സംബന്ധിച്ച നിർദ്ദേശം അധ്യാപകർക്ക് ലഭിച്ചത്. ഇത് അധ്യാപകർക്കിടയിൽ നേരിയ ആശയക്കുഴപ്പത്തിന് ഇടയാക്കിയിട്ടുണ്ട്.

ALSO READ: ഇടുക്കിയിൽ വിവാഹസംഘം സഞ്ചരിച്ച ജീപ്പ് കൊക്കയിലേക്ക് മറിഞ്ഞ് അപകടം; രണ്ടു മരണം; മൂന്ന് പേർക്ക് ഗുരുതര പരുക്ക്

"പി.ടി.എയുടെ സഹകരണത്തോടെയും പിന്തുണയോടെയുമാണ് സംസ്ഥാനത്ത് ഈ പഠന ക്ലാസുകൾ സംഘടിപ്പിക്കുന്നത്." എന്ന് വിദ്യാഭ്യാസ മന്ത്രി വി. ശിവൻകുട്ടി പറഞ്ഞു.

കടുത്ത വേനൽ ചൂട് കണക്കിലെടുത്ത് കുട്ടികളുടെ സുരക്ഷ ഉറപ്പാക്കാനാണ് പുതിയ ക്രമീകരണം സഹായിക്കുകയെന്ന് അധികൃതർ വ്യക്തമാക്കി. ക്ലാസുകൾ തുടങ്ങുന്നതിന് തൊട്ടുതലേന്നുള്ള ഈ സമയമാറ്റം രക്ഷിതാക്കളെയും വിദ്യാർത്ഥികളെയും വേഗത്തിൽ അറിയിക്കാനുള്ള ശ്രമത്തിലാണ് സ്കൂൾ അധികൃതർ.

Due to the intense summer heat, the Education Department has rescheduled school holiday classes following a strict directive from the Child Rights Commission. Starting tomorrow, classes will be held from 7:30 am to 10:30 am to ensure student safety.