കൊല്ലം:  യു.ഡി.എഫ് സ്ഥാനാര്‍ഥി ബിന്ദു കൃഷ്ണയെ തോല്‍പ്പിക്കാന്‍ ആര്‍.എസ്.പി നേതാക്കള്‍ ശ്രമിച്ചെന്ന ആരോപണവുമായി കോണ്‍ഗ്രസ്. കലാശക്കൊട്ടിന് മണിക്കൂറുകള്‍ക്ക് മുന്‍പ് ആര്‍.എസ.്പി പ്രാദേശിക നേതാവ് സി.പി.എം ജില്ലാ നേതൃത്വവുമായി രഹസ്യ കൂടിക്കാഴ്ച നടത്തിയെന്നാണ് ആരോപണം. 

കൊല്ലം ബീച്ച് റോഡിലെ ഹോട്ടലില്‍ വെച്ചാണ് ഇവര്‍ ഒരു മണിക്കൂറോളം കൂടിക്കാഴ്ച നടത്തിയത്. സംഭവത്തിന്റെ ദൃശ്യങ്ങള്‍ പുറത്തുവന്നു. തീരദേശ മേഖലയിലെ വോട്ടുകള്‍ മറിക്കാന്‍ ലക്ഷ്യമിട്ടായിരുന്നു ഈ നീക്കമെന്നാണ് കോണ്‍ഗ്രസ് ആരോപിക്കുന്നത്.  

ആര്‍.എസ്.പി കൊല്ലം സൗത്ത് ലോക്കല്‍ സെക്രട്ടറി ഉള്‍പ്പെടെയുള്ളവരാണ് സി.പി.എം ജില്ലാ കമ്മിറ്റിയുള്‍പ്പെടെയുള്ളവരുമായി കൂടിക്കാഴ്ച്ച നടത്തിയത്. സംഭവം അറിഞ്ഞയുടന്‍ ബിന്ദു കൃഷ്ണയും തെരഞ്ഞെടുപ്പ് കമ്മിറ്റിയും ആര്‍.എസ്.പി സംസ്ഥാന നേതൃത്വത്തിനും കെ.പി.സി.സിക്കും പരാതി നല്‍കി.

തെരഞ്ഞെടുപ്പിന് തൊട്ടുമുന്‍പ് ആരോപണവിധേയനായ ആര്‍.എസ്.പി കൊല്ലം സൗത്ത് എല്‍.സി സെക്രട്ടറിയെ തെരഞ്ഞെടുപ്പ് സമിതിയില്‍ നിന്ന് മാറ്റിനിര്‍ത്തിയിരുന്നു. അതേസമയം, നടന്നത് തികച്ചും സൗഹൃദപരമായ കൂടിക്കാഴ്ച മാത്രമായിരുന്നു എന്നാണ് ആര്‍.എസ്.പി നേതൃത്വത്തിന്റെ വിശദീകരണം. 

A major political controversy has erupted in Kollam following the release of video footage allegedly showing a secret meeting between RSP and CPI(M) leaders. The footage has sparked allegations that the RSP, a key ally of the UDF, struck a deal with the CPI(M) to ensure the defeat of Congress candidate Bindu Krishna.