തൃശൂര്‍: തൃശൂര്‍ മുണ്ടത്തിക്കോട് വെടിക്കെട്ട് അപകടത്തില്‍പെട്ട്  ചികിത്സയിലായിരുന്ന ഒരാള്‍ കൂടി മരിച്ചു. തൃശ്ശൂര്‍ മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന തൃശ്ശൂര്‍ സ്വദേശി രാകേഷാണ് മരിച്ചത്. രാകേഷിന് 85 ശതമാനത്തിലേറെ പൊള്ളലേറ്റിരുന്നു. ഇതോടെ വെടിക്കെട്ട് അപകടത്തില്‍ മരിച്ചവരുടെ എണ്ണം 17 ആയി. 

ഉണ്ണികൃഷ്ണന്‍ എന്ന ബാബു എടപ്പാള്‍ ഇന്നലെ മരണപ്പെട്ടിരുന്നു. ഇന്നലെ രാത്രി 8.36നാണ് മരണം സംഭവിച്ചത്. അപകടത്തില്‍ ബാബുവിന് ഗുരുതര പരുക്കേറ്റിരുന്നു.

തിരിച്ചറിയാത്ത ഒരു മൃതദേഹം മെഡിക്കല്‍ കോളജ് ആശുപത്രി മോര്‍ച്ചറിയില്‍ സൂക്ഷിച്ചിട്ടുണ്ട്. കാണാതായ 4 പേരുടെ ബന്ധുക്കളുടെ ഡി.എന്‍.എ സാംപിളുകള്‍ പരിശോധനയ്ക്കായി ശേഖരിച്ചു. ഫലം അടുത്തദിവസങ്ങളിലെത്തും.

ഏപ്രില്‍ 21ചൊവ്വാഴ്ച്ച ഉച്ചയ്ക്ക് 3.20 ഓടെയാണ് നാടിനെ നടുക്കി വെടിക്കെട്ടുപുരയില്‍ അപകടമുണ്ടായത്. തൃശൂര്‍ പൂരത്തിന് മുന്നോടിയായി തിരുവമ്പാടി   വിഭാഗത്തിന് വേണ്ടിയുള്ള വെടിക്കെട്ട് സാമഗ്രികള്‍ നിര്‍മിക്കുന്നതിനിടെയാണ് പൊട്ടിത്തെറിയുണ്ടാവുന്നത്.

The death toll from the tragic fireworks accident in Mundathikode has risen to 17 following the passing of another individual who was undergoing treatment for severe injuries.