ജിദ്ദ: ഗൾഫ് മേഖലയിലെ നിർണ്ണായക രാഷ്ട്രീയ സാഹചര്യങ്ങൾ ചർച്ച ചെയ്യുന്നതിനായി സംഘടിപ്പിച്ച അസാധാരണ ഉച്ചകോടിക്കെത്തിയ ജിസിസി നേതാക്കൾക്ക് ജിദ്ദയിൽ ഉജ്ജ്വല സ്വീകരണം. സഊദി കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ രാജകുമാരൻ നേരിട്ടെത്തിയാണ് ഗൾഫ് രാഷ്ട്രത്തലവന്മാരെ വരവേറ്റത്. ചൊവ്വാഴ്ച ഉച്ചയോടെ ജിദ്ദയിലെ കിംഗ് അബ്ദുൽ അസീസ് അന്താരാഷ്ട്ര വിമാനത്താവളത്തിൽ എത്തിയ നേതാക്കളെ സ്വീകരിക്കുന്ന ചടങ്ങുകൾ നയതന്ത്ര പ്രാധാന്യത്തോടെയാണ് നടന്നത്.

വിമാനത്താവളത്തിൽ എത്തിയ കുവൈത്ത് കിരീടാവകാശി സബാഹ് അൽ-ഖാലിദ് അൽ-സബാഹിനെ മുഹമ്മദ് ബിൻ സൽമാൻ രാജകുമാരൻ സ്വീകരിച്ചു. തുടർന്ന് ബഹ്‌റൈൻ രാജാവ് ഹമദ് ബിൻ ഈസ അൽ-ഖലീഫയും ഖത്തർ അമീർ ശൈഖ് തമീം ബിൻ ഹമദ് അൽ-താനിയും ഉച്ചകോടിക്കായി എത്തിയപ്പോഴും സഊദി കിരീടാവകാശി സ്വീകരണത്തിന് നേരിട്ടെത്തി.

ALSO READ: ഹജ്ജ് ഒരുക്കങ്ങള്‍ തകൃതി: മക്കയിലെ ഹാജിമാര്‍ക്കുള്ള താമസസൗകര്യങ്ങളും അതിര്‍ത്തി കവാടങ്ങളും മന്ത്രിമാര്‍ സന്ദര്‍ശിച്ചു | Hajj 2026

യുഎഇയെ പ്രതിനിധീകരിച്ച് എത്തിയ ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് അബ്ദുല്ല ബിൻ സായിദ് അൽ-നഹ്യാനെ സഊദി വിദേശകാര്യ മന്ത്രി ഫൈസൽ ബിൻ ഫർഹാൻ രാജകുമാരൻ സ്വീകരിച്ചു. മേഖലയിൽ വർദ്ധിച്ചുവരുന്ന സുരക്ഷാ വെല്ലുവിളികളും സാമ്പത്തിക സഹകരണവും ചർച്ച ചെയ്യുന്നതിനാണ് അസാധാരണ ഉച്ചകോടി വിളിച്ചുചേർത്തിരിക്കുന്നത്. ജിസിസി രാജ്യങ്ങൾക്കിടയിലുള്ള ഐക്യം ഊട്ടിയുറപ്പിക്കുന്നതിനും പ്രാദേശിക പ്രശ്നങ്ങളിൽ ഏകീകൃത നിലപാട് സ്വീകരിക്കുന്നതിനും ഈ സംഗമം വഴിതെളിക്കുമെന്നാണ് വിലയിരുത്തപ്പെടുന്നത്.

jeddah summit begins with saudi crown prince welcoming gcc leaders, marking key discussions on regional cooperation, security, and economic growth. meeting highlights unity among gulf nations and strengthens diplomatic ties across the gcc bloc in saudi arabia