കോഴിക്കോട്: ക്യാൻസർ ബാധിതനായി ചികിത്സയിലായിരുന്ന യുവാവിനെ കാണാനില്ലെന്ന് പരാതി. താമരശ്ശേരി പുതുപ്പാടി സ്വദേശി കൊട്ടാരക്കോത്ത് കാവുംപുറം കവുങ്ങിൻ തൊടിയിൽ കെ.ടി. സുലൈമാന്റെ മകൻ നിഷാൽ സൽമാനെ(22) ആണ് ഇന്ന് രാവിലെ പത്തരയോടെ കാണാതായത്. സംഭവത്തിൽ ബന്ധുക്കൾ താമരശ്ശേരി പൊലിസിൽ പരാതി നൽകി.

ALSO READ: വിവാഹവാഗ്ദാനം നൽകി മാട്രിമോണിയൽ സൈറ്റിലൂടെ തട്ടിപ്പ്: രാമനാട്ടുകര സ്വദേശിക്ക് നഷ്ടമായത് 34 ലക്ഷം രൂപ; യുവതിക്കായി തിരച്ചിൽ

കഴിഞ്ഞ ആറ് മാസമായി ക്യാൻസർ ബാധയെത്തുടർന്ന് ചികിത്സയിലായിരുന്നു സൽമാൻ. കാലിലായിരുന്നു ആദ്യം രോഗം കണ്ടെത്തിയത്. എന്നാൽ അസുഖം ശ്വാസകോശത്തിലേക്ക് കൂടി പടരുന്ന അവസ്ഥയിലായതിനാൽ സൽമാന്റെ കാൽ മുറിച്ചുമാറ്റണമെന്ന് ഡോക്ടർമാർ നിർദ്ദേശിച്ചിരുന്നു. ശസ്ത്രക്രിയയെക്കുറിച്ചുള്ള വിവരം അറിഞ്ഞതിനെത്തുടർന്നുണ്ടായ കടുത്ത മാനസിക വിഷമത്തിലാണ് സൽമാൻ വീടുവിട്ടിറങ്ങിയതെന്ന് ബന്ധുക്കൾ സംശയിക്കുന്നു.

യുവാവിന്റെ കൈവശം മൊബൈൽ ഫോൺ ഇല്ലാത്തത് അന്വേഷണത്തിന് വെല്ലുവിളിയാകുന്നുണ്ട്. സി.സി.ടി.വി ദൃശ്യങ്ങൾ കേന്ദ്രീകരിച്ച് പൊലിസ് തിരച്ചിൽ ആരംഭിച്ചു. യുവാവിനെക്കുറിച്ച് എന്തെങ്കിലും വിവരം ലഭിക്കുന്നവർ താഴെ പറയുന്ന നമ്പറുകളിൽ അറിയിക്കണമെന്ന് അധികൃതർ അഭ്യർത്ഥിച്ചു.

അഹിനസ്: 9645834010

സുലൈമാൻ: 7510171968

നൗഫൽ: 9946815008

പൊലിസ് (താമരശ്ശേരി): 0495 2222240

A 22-year-old youth named Nishal Salman, who was undergoing treatment for cancer, has gone missing from Kozhikode. The family filed a police complaint after he disappeared around 10:30 AM today. Doctors had recently advised amputating his leg as the cancer had begun spreading to his lungs, and it is suspected that he left home due to severe mental distress over this diagnosis.