കാസർകോട്: വെള്ളരിക്കുണ്ടിൽ പൊലിസ് വാഹനവും ഓട്ടോറിക്ഷയും കൂട്ടിയിടിച്ച് അപകടം.സംഭവത്തിൽ ഓട്ടോ ഡ്രൈവർ മരിച്ചു. പുങ്ങംചാൽ സ്വദേശി രാജു ആണ് മരിച്ചത്. അപകടത്തിൽ പൊലിസ് വാഹനത്തിലുണ്ടായിരുന്ന വനിതാ എ.എസ്.ഐ കൗസല്യക്ക് പരുക്കേറ്റു.

വെള്ളരിക്കുണ്ട് പൊലിസ് സ്റ്റേഷനിലെ വാഹനമാണ് അപകടത്തിൽപ്പെട്ടത്. സ്റ്റേഷനിലെ ഒരു ഉദ്യോഗസ്ഥന്റെ വിരമിക്കൽ ചടങ്ങിൽ പങ്കെടുക്കാൻ പൊലിസ് സംഘം പോകുന്നതിനിടെയാണ് ഇന്ന് രാത്രിയോടെയാണ് ദാരുണമായ ഈ സംഭവം നടന്നത്. പരുക്കേറ്റ എ.എസ്.ഐ കൗസല്യയെ ഉടൻ തന്നെ അടുത്തുള്ള ആശുപത്രിയിൽ പ്രവേശിപ്പിച്ചു.

നിയന്ത്രണം വിട്ട പൊലിസ് വാഹനം ഓട്ടോറിക്ഷയുമായി കൂട്ടിയിടിക്കുകയായിരുന്നു എന്നാണ് പ്രാഥമിക വിവരം. അപകടത്തെത്തുടർന്ന് തകർന്ന ഓട്ടോയിൽ നിന്നും രാജുവിനെ പുറത്തെടുത്തെങ്കിലും ജീവൻ രക്ഷിക്കാനായില്ല. സംഭവത്തിൽ പൊലിസ് കൂടുതൽ അന്വേഷണം ആരംഭിച്ചിട്ടുണ്ട്.

The accident occurred in Vellarikundu, Kasaragod, when a police jeep from the local station collided with an autorickshaw. The auto driver, identified as Raju from Pungamchal, died in the crash. A woman Assistant Sub-Inspector (ASI), Kousalya, was also injured and hospitalized. The police team was reportedly traveling to attend a retirement ceremony for a colleague at the time of the incident.