ദുബൈ : മേഖലയിലെ നിലവിലെ അസ്ഥിരമായ സാഹചര്യങ്ങൾ പരിഗണിച്ച് യു.എ.ഇ പൗരന്മാർക്ക് ഇറാൻ, ലബനൻ, ഇറാഖ് എന്നീ രാജ്യങ്ങളിലേക്ക് യാത്രാവിലക്ക് ഏർപ്പെടുത്തിയതായി വിദേശകാര്യ മന്ത്രാലയം അറിയിച്ചു. പൗരന്മാരുടെ സുരക്ഷ ഉറപ്പാക്കുന്നതിന്റെ ഭാഗമായാണ് മന്ത്രാലയത്തിന്റെ തീരുമാനം.

നിലവിൽ ഈ രാജ്യങ്ങളിലുള്ള യുഎഇ പൗരന്മാർ എത്രയും വേഗം മടങ്ങിവരണമെന്നും മന്ത്രാലയം നിർദേശിച്ചു. വിദേശത്തുള്ള പൗരന്മാരുടെ ക്ഷേമം ഉറപ്പുവരുത്തുന്നതിനും സുരക്ഷ മുൻനിർത്തിയും മന്ത്രാലയം പുറപ്പെടുവിക്കുന്ന മാർഗനിർദ്ദേശങ്ങൾ കർശനമായി പാലിക്കണമെന്ന് അധികൃതർ പ്രസ്താവനയിൽ പറഞ്ഞു.

ഇറാൻ, ലബനൻ, ഇറാഖ് എന്നിവിടങ്ങളിൽ തുടരുന്ന യുഎഇ പൗരന്മാർക്ക് സഹായങ്ങൾക്കായി +971 800 44444 എന്ന നമ്പറിൽ മന്ത്രാലയവുമായി ബന്ധപ്പെടാവുന്നതാണ്. 

English summary : The UAE's Ministry of Foreign Affairs (MoFA), has announced a ban on travel by UAE nationals to the Islamic Republic of Iran, the Lebanese Republic, and the Republic of Iraq owing to the current regional disturbances.