ബംഗളൂരു: കര്‍ണാടക തലസ്ഥാനത്തെ തിരക്കേറിയ റോഡില്‍ പട്ടാപ്പകല്‍ യുവതിക്ക് നേരെ ഭര്‍ത്താവിന്റെ ക്രൂരമായ ആക്രമണം. നടന്നു പോവുകയായിരുന്ന ഭാര്യയെ തടഞ്ഞു നിര്‍ത്തി കഴുത്തറുത്ത് കൊലപ്പെടുത്താന്‍ ശ്രമിച്ച യുവാവിനെ നാട്ടുകാര്‍ കൈയോടെ പിടികൂടി വിചാരണ ചെയ്തു. യുവാക്കളുടെ സമയോചിതമായ ഇടപെടല്‍ മൂലം യുവതി അത്ഭുതകരമായാണ് ജീവന്‍ തിരിച്ചു പിടിച്ചത്.

സ്‌കൂട്ടറിലെത്തിയ പ്രതി, യുവതിയുടെ അടുത്തേക്ക് ചാടി വീണ് കൈവശം കരുതിയിരുന്ന മാരകായുധം ഉപയോഗിച്ച് ആക്രമിക്കുകയായിരുന്നു. നിലവിളി കേട്ടെത്തിയ സമീപ വാസികള്‍ ഉടന്‍ തന്നെ പ്രതിയെ തടയുകയും നിലത്തിട്ട് മര്‍ദിക്കുകയും ചെയ്തു.

ദൃശ്യങ്ങള്‍ പകര്‍ത്തി നില്‍ക്കാതെ അക്രമിയെ നേരിടാന്‍ കാണിച്ച ധീരതയ്ക്ക് സോഷ്യല്‍ മീഡിയയില്‍ നാട്ടുകാര്‍ക്ക് വലിയ പ്രശംസയാണ് ലഭിക്കുന്നത്. അക്രമിയെ കീഴ്‌പ്പെടുത്തിയ ശേഷം പൊലിസിന് കൈമാറി. സംഭവത്തിന്റെ സിസിടിവി ദൃശ്യങ്ങള്‍ ഇപ്പോള്‍ സാമൂഹ്യമാധ്യമങ്ങളില്‍ പ്രചരിക്കുകയാണ്.

Brave locals intervened and saved a woman's life in Bengaluru after her husband attempted to slit her throat on a busy road, leading to the attacker being apprehended and beaten by the public.