കോട്ടയം: കോണ്‍ഗ്രസിലെ മുഖ്യമന്ത്രി ചര്‍ച്ചകള്‍ തെരുവിലേക്ക് നീങ്ങുന്നതില്‍ വിമര്‍ശനവുമായി മുതിര്‍ന്ന കോണ്‍ഗ്രസ് നേതാവ് കെ.സി ജോസഫ്. ആഭ്യന്തരകാര്യങ്ങള്‍ എല്ലാ പരിധിയും വിട്ട് തെരുവിലേയ്ക്ക് കൊണ്ടുപോകുന്നത് അപകടകരമായ പ്രത്യാഘാതങ്ങള്‍ സൃഷ്ടിക്കുമെന്ന കാര്യം എല്ലാവരും തിരിച്ചറിയുന്നത് നല്ലതാണ് . മലര്‍ന്ന് കിടന്ന് തുപ്പിയാല്‍ നമ്മുടെ മുഖത്തെ വീഴൂവെന്നും കെ.സി ജോസഫ് പറഞ്ഞു. ഫേസ്ബുക്കിലാണ് അദ്ദേഹത്തിന്റെ പ്രതികരണം

ഫേസ്ബുക്ക് കുറിപ്പിന്റെ പൂര്‍ണരൂപം: 

മൗനമാണ് അഭികാമ്യം എന്നതു കൊണ്ടാണ് മിണ്ടാതിരിക്കുന്നത്. കോണ്‍ഗ്രസ്സിന്റെ ആഭ്യന്തരകാര്യങ്ങള്‍ എല്ലാ പരിധിയും വിട്ട് തെരുവിലേയ്ക്ക് കൊണ്ടുപോകുന്നത് അപകടകരമായ പ്രത്യാഘാതങ്ങള്‍ സൃഷ്ടിക്കുമെന്ന കാര്യം എല്ലാവരും തിരിച്ചറിയുന്നത് നല്ലതാണ് . മലര്‍ന്ന് കിടന്ന് തുപ്പിയാല്‍ നമ്മുടെ മുഖത്തെ വീഴൂ. തിരുവനന്തപുരത്തെ പ്രതിഷേധ പ്രകടനക്കാര്‍ അറിഞ്ഞോ അറിയാതേയോ എല്ലാവരും ജീവനുതുല്യം സ്‌നേഹിക്കുന്ന പ്രിയപ്പെട്ട ഉമ്മന്‍ ചാണ്ടിയുടെ ചിത്രത്തെപ്പോലും അപമാനിച്ചുവെന്നത് എല്ലാവരെയും വളരെയേറെ വേദനിപ്പിച്ചിട്ടുണ്ട് . ഇതൊന്നും നല്ലതിനല്ല. തീക്കൊള്ളികൊണ്ട് തലചൊറിയാന്‍ ശ്രമിക്കുന്നത് വിനാശകരമായിരിക്കും 

അതേസമയം, കേരള മുഖ്യമന്ത്രി ആരെന്ന കാര്യത്തില്‍ എ.ഐ.സി.സി (AICC) ഇന്ന് അന്തിമ തീരുമാനമെടുത്തേക്കും. വൈകുന്നേരത്തോടെ മുഖ്യമന്ത്രിയെ ഔദ്യോഗികമായി പ്രഖ്യാപിക്കുമെന്നാണ് സൂചന. സംസ്ഥാനത്തെ സാ?ഹചര്യങ്ങള്‍ സങ്കീര്‍ണമാണെന്ന് നിരീക്ഷകര്‍ ഹൈക്കമാന്‍ഡിന് റിപ്പോര്‍ട്ട് നല്‍കിയിരുന്നു. ഇതിന്റെ അടിസ്ഥാനത്തില്‍ പ്രതിപക്ഷ നേതാവ് വി.ഡി സതീശന്‍, മുന്‍ പ്രതിപക്ഷ നേതാവ് രമേശ് ചെന്നിത്തല എന്നിവരെ കോണ്‍ഗ്രസ് നേതൃത്വം ഡല്‍ഹിക്ക് വിളിപ്പിച്ചിരുന്നു.

ഖാര്‍ഗെയുടെ വസതിയില്‍ നടക്കുന്ന ചര്‍ച്ചയില്‍ സതീശനെയും ചെന്നിത്തലയെയും ഹൈക്കമാന്‍ഡ് പ്രതിനിധികള്‍ നേരിട്ട് കാണും. അതേസമയം, ഡല്‍ഹിയിലുണ്ടെങ്കിലും കെസി ചര്‍ച്ചയില്‍ പങ്കെടുത്തിരുന്നില്ല. എം.എല്‍.എമാരുടെ ഭൂരിപക്ഷം മാത്രം പരി?ഗണിച്ചാവില്ല സംസ്ഥാനത്തെ നിലവിലെ രാഷ്ട്രീയ സാഹചര്യവും സാമൂഹിക സമവാക്യങ്ങളും പരിഗണിച്ചാകും ഹൈക്കമാന്‍ഡ് തീരുമാനം.

Senior Congress leader K.C. Joseph recently commented on the internal conflicts within the Kerala unit of the Indian National Congress. Using the traditional Malayalam proverb, "If you spit while lying on your back, it will only fall on your own face," Joseph warned party members that public mudslinging and open criticism of colleagues ultimately backfire.