കെയ്‌റോ: യുഎഇയെ ലക്ഷ്യമിട്ട് ഇറാൻ നടത്തിയ ബാലിസ്റ്റിക് മിസൈൽ, ഡ്രോൺ ആക്രമണങ്ങളെ ശക്തമായി അപലപിച്ച് അറബ് പാർലമെന്റ് സ്പീക്കർ മുഹമ്മദ് ബിൻ അഹമ്മദ് അൽ യമഹി. ഇറാന്റെ ഭാഗത്തുനിന്നുണ്ടാകുന്ന ഇത്തരം ഭീകരാക്രമണങ്ങൾ അന്താരാഷ്ട്ര നിയമങ്ങളുടെയും യുഎൻ ചാർട്ടറിന്റെയും നഗ്നമായ ലംഘനമാണെന്ന് അദ്ദേഹം പ്രസ്താവനയിൽ പറഞ്ഞു. അറബ് ദേശീയ സുരക്ഷയ്ക്ക് നേരിട്ടുള്ള ഭീഷണിയാണ് ഇത്തരം നീക്കങ്ങളെന്നും അദ്ദേഹം ചൂണ്ടിക്കാട്ടി.

മേഖലയിലെ സമാധാനം തകർക്കാനും അസ്ഥിരത വർദ്ധിപ്പിക്കാനുമുള്ള ഇറാന്റെ ആക്രമണാത്മക സമീപനമാണ് ആവർത്തിച്ചുള്ള ഈ ആക്രമണങ്ങളിലൂടെ വെളിവാകുന്നത്. അയൽപക്ക ബന്ധത്തിന്റെ തത്വങ്ങളെ ഇറാൻ കാറ്റിൽ പറത്തുകയാണെന്നും ഇത് പ്രാദേശികവും അന്തർദേശീയവുമായ സുരക്ഷയ്ക്ക് വലിയ വെല്ലുവിളിയാണെന്നും സ്പീക്കർ വ്യക്തമാക്കി.

ALSO READ: പരമോന്നത നേതാവ് മുജ്തബ ഖാംനഈ സുരക്ഷിതൻ; കൊല്ലപ്പെട്ടെന്ന പ്രചാരണം തെറ്റാണെന്ന് വ്യക്തമാക്കി ഇറാൻ പ്രസിഡന്റ്

യുഎഇയുടെ പരമാധികാരവും സുരക്ഷയും സംരക്ഷിക്കാൻ സ്വീകരിക്കുന്ന എല്ലാ നടപടികൾക്കും അറബ് പാർലമെന്റിന്റെ പൂർണ്ണ പിന്തുണയുണ്ടാകുമെന്ന് അൽ യമഹി പ്രഖ്യാപിച്ചു. യുഎഇയുടെ സുരക്ഷ അറബ് ലോകത്തിന്റെ ആകെ സുരക്ഷയുടെ അവിഭാജ്യ ഘടകമാണെന്നും പൗരന്മാരെയും താമസക്കാരെയും സംരക്ഷിക്കാൻ രാജ്യം നടത്തുന്ന നീക്കങ്ങളിൽ തങ്ങൾ ഉറച്ചുനിൽക്കുമെന്നും അദ്ദേഹം കൂട്ടിച്ചേർത്തു.

ആവർത്തിച്ചുള്ള ഇത്തരം ലംഘനങ്ങൾ അവസാനിപ്പിക്കാൻ യുഎൻ സുരക്ഷാ കൗൺസിലും അന്താരാഷ്ട്ര സമൂഹവും ഉടനടി ഇടപെടണമെന്ന് അറബ് പാർലമെന്റ് ആവശ്യപ്പെട്ടു. ഭീകരാക്രമണങ്ങളെ പ്രതിരോധിക്കാനും മേഖലയിലെ സംഘർഷം ലഘൂകരിക്കാനും ലോകരാജ്യങ്ങൾ തങ്ങളുടെ ധാർമ്മികവും നിയമപരവുമായ ഉത്തരവാദിത്തം നിറവേറ്റണം. അറബ് രാജ്യങ്ങളുടെ സുരക്ഷയിൽ ഒരു തരത്തിലുള്ള വിട്ടുവീഴ്ചയ്ക്കും തയ്യാറല്ലെന്നും സ്പീക്കർ മുന്നറിയിപ്പ് നൽകി.

the arab parliament strongly condemned iran’s missile attack targeting the uae, calling it a threat to regional security and stability. officials urged stronger collective action to address escalating tensions in the middle east.