ഫുജൈറ: ഫുജൈറയിലെ എണ്ണ വ്യവസായ മേഖലയിലുണ്ടായ ചെറിയ തീപിടിത്തത്തെത്തുടർന്നുണ്ടായ പുക പരിഭ്രാന്തി പരത്തി. എന്നാൽ പൈപ്പ്‌ലൈനിലെ അറ്റകുറ്റപ്പണികൾക്കിടെയുണ്ടായ ആകസ്മികമായ അപകടമാണിതെന്നും നിലവിൽ സ്ഥിതിഗതികൾ പൂർണ്ണമായും നിയന്ത്രണവിധേയമാണെന്നും ഫുജൈറ ഗവൺമെന്റ് മീഡിയ ഓഫീസ് അറിയിച്ചു.

എണ്ണ ശുദ്ധീകരണ മേഖലയിൽ നിന്നാണ് പുക ഉയർന്നത്. പതിവ് മെയിന്റനൻസ് ജോലികൾക്കിടെ ചെറിയ രീതിയിൽ തീ പടരുകയായിരുന്നുവെന്ന്  ഫുജൈറ ഗവൺമെന്റ് മീഡിയ ഓഫീസ് ഔദ്യോഗിക പ്രസ്താവനയിൽ വ്യക്തമാക്കി.

ALSO READ: യു.എ.ഇ സ്‌കൂള്‍ ഫീസ്: ജോലി നഷ്ടപ്പെട്ടവര്‍ക്കും ശമ്പളം കുറഞ്ഞവര്‍ക്കും ആശ്വാസം; തിരിച്ചടവിന് ഈസി വഴികളൊരുക്കി സ്‌കൂളുകള്‍

ദ്രുതഗതിയിലുള്ള ഇടപെടൽ

വിവരമറിഞ്ഞ സിവിൽ ഡിഫൻസ് ഉടൻ തന്നെ സംഭവസ്ഥലത്തേക്ക് സംഘത്തെ അയച്ചു. ഉദ്യോഗസ്ഥരുടെ സമയോചിതമായ ഇടപെടലിലൂടെ തീ പെട്ടെന്ന് തന്നെ അണയ്ക്കാനും കൂടുതൽ നാശനഷ്ടങ്ങൾ ഒഴിവാക്കാനും സാധിച്ചു. നിലവിൽ ആശങ്കപ്പെടേണ്ട സാഹചര്യമില്ലെന്ന് അധികൃതർ വ്യക്തമാക്കി.

സംഭവവുമായി ബന്ധപ്പെട്ട് സോഷ്യൽ മീഡിയയിലോ മറ്റോ പ്രചരിക്കുന്ന അനാവശ്യ കിംവദന്തികൾ വിശ്വസിക്കരുതെന്ന് അധികൃതർ പൊതുജനങ്ങളോട് അഭ്യർത്ഥിച്ചു. ഔദ്യോഗിക സ്രോതസ്സുകളിൽ നിന്നുള്ള വിവരങ്ങൾ മാത്രം സ്വീകരിക്കണമെന്നും തെറ്റായ വാർത്തകൾ പ്രചരിപ്പിക്കരുതെന്നും ഗവൺമെന്റ് മീഡിയ ഓഫീസ് ഓർമ്മിപ്പിച്ചു.

A fire broke out in the oil industrial area of Fujairah, prompting an immediate emergency response. Authorities confirmed the situation is under control, with firefighting teams working to ensure safety and prevent further damage in the region.