വാഷിങ്ടണ്‍: ഐ.എസ് നേതാക്കളില്‍ രണ്ടാമനായി കണക്കാക്കപ്പെടുന്ന അബു ബിലാല്‍ അല്‍ മിനൂക്കിയെ കൊലപ്പെടുത്തിയതായി അമേരിക്കന്‍ പ്രസിഡന്റ് ഡോണള്‍ഡ് ട്രംപ് അറിയിച്ചു. യു.എസ് സൈന്യവും നൈജീരിയന്‍ സേനയും ചേര്‍ന്ന് നടത്തിയ സംയുക്തി ഓപ്പറേഷനിസാണ് അദ്ദേഹം കൊല്ലപ്പെട്ടതെന്നും ട്രംപ് അറിയിച്ചു. 

ALSO READ: ഇസ്രാഈല്‍-ലബനാന്‍ വെടിനിര്‍ത്തല്‍ 45 ദിവസത്തേക്ക് കൂടി നീട്ടി
മിനൂക്കിയെ ഇല്ലാതാക്കാനായതോടെ ഐ.എസിന് വലിയ തിരിച്ചടിയാണ് ഉണ്ടായത്. സംയുക്ത ഓപറേഷനില്‍ സഹകരിച്ച നൈജീരിയന്‍ സര്‍ക്കാറിനും നന്ദിയുണ്ടെന്നും ട്രംപ് അറിയിച്ചു.

അബുബക്കര്‍ ഇബ്‌നു മുഹമ്മദ് ഇബ്‌നു അലി അല്‍ മൈനൂകി എന്ന പേരിലും അറിയപ്പെട്ടിരുന്ന അബു ബിലാല്‍ അല്‍ മിനൂക്കി, ആഫ്രിക്കയിലെ സഹേല്‍ മേഖല കേന്ദ്രീകരിച്ചായിരുന്നു പ്രവര്‍ത്തിച്ചിരുന്നത്. മേഖലയിലെ ഐ.എസ് സീനിയര്‍ കമാന്‍ഡറായും ചാഡ് ഡിവിഷന്റെ പ്രവര്‍ത്തനങ്ങള്‍ക്ക് നേതൃത്വം നല്‍കിയതായും റിപ്പോര്‍ട്ടുകളുണ്ട്. 2023 ജൂണില്‍ അല്‍ മിനൂക്കിയെ ആഗോള ഭീകരനായി യു.എസ് പ്രഖ്യാപിച്ചിരുന്നു.