തിരുവനന്തപുരം: വി.ഡി സതീശന്‍ മന്ത്രിസഭയില്‍ ആഭ്യന്തരമന്ത്രി സ്ഥാനം വേണമെന്നുള്ള രമേശ് ചെന്നിത്തലയുടെ ആവശ്യം അംഗീകരിച്ചതായി സൂചന. നിയുക്തമുഖ്യമന്ത്രി വി.ഡി സതീശന്‍ രമേശ് ചെന്നിത്തലയുമായി നടത്തിയ കൂടിക്കാഴ്ച്ചയില്‍ വിഷയത്തില്‍ സമവായമായെന്നാണ് വിവരം. ഇക്കാര്യത്തില്‍ ഔദ്യോഗിക സ്ഥിരീകരണം വന്നിട്ടില്ല.

തനിക്ക് ആഭ്യന്തരമില്ലെങ്കില്‍ ധനകാര്യം വേണമെന്ന് വി.ഡി സതീശനും നിലപാടെടുത്തിട്ടുണ്ടെന്നാണ് റിപ്പോര്‍ട്ട്. ഇന്നലെയും വി.ഡി സതീശന്‍ ചെന്നിത്തലയുടെ വഴുതക്കാട്ടിലെ വീട്ടിലെത്തിയിരുന്നു.

 മുഖ്യമന്ത്രിയെ തെരഞ്ഞെടുത്തപ്പോള്‍ സീനിയോറിറ്റി പരിഗണിച്ചില്ലെന്ന അതൃപ്തി ചെന്നിത്തല പ്രകടിപ്പിച്ചിരുന്നു. നിയമസഭാ കക്ഷി യോഗത്തിലും പങ്കെടുത്തിരുന്നില്ല. തുടര്‍ന്ന്മന്ത്രിസഭയിലേക്ക് വരണമെങ്കില്‍ ആഭ്യന്തരംതന്നെ വേണമെന്ന് ചെന്നിത്തല നിലപാടെടുത്തതായി വാര്‍ത്ത പുറത്തുവന്നിരുന്നു. ആഭ്യന്തര മന്ത്രിസ്ഥാനത്തിന് പുറമേ ഒരു മന്ത്രിസ്ഥാനംകൂടി താന്‍ നിര്‍ദേശിക്കുന്ന ആള്‍ക്ക്ലഭിക്കണമെന്ന് ചെന്നിത്തല ആവശ്യപ്പെട്ടതായാണ് അടുത്ത വൃത്തങ്ങള്‍ പറയുന്നത്. അന്‍വര്‍ സാദത്ത്, ഐ.സി ബാലകൃഷ്ണന്‍ എന്നിവരുടെ പേരുകളാണ് ഇതിനായി ഉയര്‍ന്നുകേള്‍ക്കുന്നത്. എന്നാല്‍ ഇക്കാര്യം പരിഗണിക്കുമെന്ന് ഉറപ്പില്ല. 

Fresh political discussions have emerged over the possibility of Ramesh Chennithala being considered for the Home portfolio following his reported meeting with V. D. Satheesan.