ചെന്നൈ:  തമിഴ്‌നാട്ടില്‍ മന്ത്രിമാരുടെ വകുപ്പുകള്‍ പ്രഖ്യാപിച്ചു. മുഖ്യമന്ത്രി സി.ജോസഫ് വിജയ് ആഭ്യന്തര വകുപ്പ് കൈകാര്യം ചെയ്യും. പൊതുഭരണം, വനിത  യുവജനക്ഷേമം, മുനിസിപ്പല്‍ ഭരണം, പ്രത്യേക പദ്ധതി നടപ്പാക്കല്‍ വകുപ്പുകളും കൂടി നിലവിലുണ്ട്. കെ എ സെങ്കോട്ടയ്യന്‍ ധന വകുപ്പും ബുസി ആനന്ദ് ഗ്രാമവികസനം, ജലവിഭവം എന്നീ വകുപ്പുകളും കൈകാര്യം ചെയ്യും.

പൊതുമരാമത്ത്, സ്‌പോര്‍ട്‌സ് വകുപ്പുകള്‍ ആധവ് അര്‍ജുന കൈകാര്യം ചെയ്യുമ്പോള്‍ അരുണ്‍രാജ്  ആരോഗ്യവും, പി വെങ്കട്ടരമണന്‍ ഭക്ഷ്യം, സിവില്‍ സപ്ലൈസ്, സി ടി ആര്‍ നിര്‍മല്‍കുമാര്‍  വൈദ്യുതി, നിയമം, രാജ്‌മോഹന്‍  പൊതുവിദ്യാഭ്യാസം, പിആര്‍ഡി, ടി കെ പ്രഭു  ഖനനം, പ്രകൃതി വിഭവം തുടങ്ങിയ വകുപ്പുകളും  കൈകാര്യം ചെയ്യും. 

അതേസമയം 29കാരിയായ എസ് കീര്‍ത്തനയ്ക്ക് വ്യവസായ വകുപ്പാണ് നല്‍കിയിരിക്കുന്നത്. വകുപ്പുകള്‍ സംബന്ധിച്ച് ലോക്ഭവന്‍ വാര്‍ത്താക്കുറിപ്പ് പുറത്തിറക്കിയിട്ടുണ്ട്.