തിരുവന്തപുരം: 2023 ല്‍ മുന്‍ മുഖ്യമന്ത്രി പിണറായി വിജയന്റെ നവകേരള യാത്രക്കിടെ മുഖ്യമന്ത്രിയുടെ ഗണ്‍മാന്‍മാര്‍ യൂത്ത് കോണ്‍ഗ്രസ് പ്രവര്‍ത്തകരെ മര്‍ദ്ദിച്ച സംഭവത്തില്‍ പുനരന്വേഷണത്തിനായി പ്രത്യേക സംഘം രൂപീകരിച്ചു. ആലപ്പുഴ ക്രൈംബ്രാഞ്ച് എസ്പി ഷൗക്കത്തലിയുടെ നേതൃത്വത്തിലായിരിക്കും അന്വേക്ഷണം നടക്കുക. 15 ദിവസത്തിനകം റിപ്പോര്‍ട്ട് സമര്‍പ്പിക്കാനും നിര്‍ദ്ദേശം നല്‍കിട്ടുണ്ട്.  മുഖ്യമന്ത്രിയായി വിഡി സതീശന്‍ അധികാരമേറ്റതിന് പിന്നാലെയാണ് പുനരന്വേഷണത്തിന് ഉത്തരവിട്ടത്.

ചന്ദ്രശേഖരന്‍ വധക്കേസിലെ അന്വേഷണ ഉദ്യോഗസ്ഥനെന്ന നിലയില്‍ ശ്രദ്ധ നേടിയ വ്യക്തിയാണ് ഷൗക്കത്തലി. 2023 ഡിസംബറില്‍ നവകേരള യാത്രയ്ക്കിടെ ആലപ്പുഴയില്‍ കറുത്ത കൊടി കാണിച്ച യൂത്ത് കോണ്‍ഗ്രസ് പ്രവര്‍ത്തകരെ ഗണ്‍മാന്‍മാരായ അനില്‍ കുമാറും സന്ദീപ് എസും ചേര്‍ന്ന് മര്‍ദ്ദിച്ചെന്നായിരുന്നു പരാതി. മുഖ്യമന്ത്രിയുടെ അകമ്പടി വാഹനത്തില്‍ നിന്നിറങ്ങിവന്നാണ് ഗണ്‍മാന്‍മാര്‍ പ്രതിഷേധക്കാരെ മര്‍ദ്ദിച്ചത്. ഇതിന്റെ ദൃശ്യങ്ങളും പുറത്ത് വന്നിരുന്നു. അനില്‍കുമാറിനും സന്ദീപിനുമെതിരെ വകുപ്പുതല നടപടിയുണ്ടാകുമെന്നും സൂചനയുണ്ട്. 

സംഭവസമയത്ത് മുഖ്യമന്ത്രിയുടെ സുരക്ഷ ഉറപ്പാക്കുന്നതിനായുള്ള 'രക്ഷാപ്രവര്‍ത്തനം' മാത്രമാണ് ഗണ്‍മാന്‍മാര്‍ നടത്തിയതെന്ന് പറഞ്ഞ് പിണറായി വിജയന്‍ നടപടിയെ ന്യായീകരിച്ചിരുന്നു. ഇതിനെതിരെ കോണ്‍ഗ്രസ് ശക്തമായ പ്രതിഷേധമുയര്‍ത്തുകയും ചെയ്തിരുന്നു.

പൊലിസ് കേസെടുക്കാത്തതിനെ തുടര്‍ന്ന് മര്‍ദ്ദനമേറ്റ യൂത്ത് കോണ്‍ഗ്രസ് നേതാക്കള്‍ കോടതിയെ സമീപിച്ചു. തുടര്‍ന്ന് കോടതിയുടെ നിര്‍ദേശപ്രകാരം ഗണ്‍മാന്‍മാര്‍ക്കെതിരെ കേസ് രജിസ്റ്റര്‍ ചെയ്യുകയായിരുന്നു.

നിയമസഭാ തെരഞ്ഞെടുപ്പ് പ്രചാരണത്തിനിടെ അധികാരത്തിലെത്തിയാല്‍ പ്രവര്‍ത്തകരെ ആക്രമിച്ച ഉദ്യോഗസ്ഥര്‍ക്കെതിരെ നടപടി സ്വീകരിക്കുമെന്ന് വി.ഡി. സതീശന്‍ പ്രഖ്യാപിച്ചിരുന്നു. അതിന്റെ തുടര്‍ച്ചയായാണ് ആഭ്യന്തര വകുപ്പിന്റെ പുതിയ നടപടി.

The Kerala government has constituted a Special Investigation Team (SIT) to probe the controversial ‘rescue operation’ linked to the Nava Kerala Yatra. The investigation team will be headed by SP Shoukath Ali and is expected to examine the circumstances and actions surrounding the incident.