തിരുവനന്തപുരം: വിരമിക്കുന്നതിന് മാസങ്ങൾക്ക് മുൻപ് ചീഫ് സെക്രട്ടറിക്ക് പെൻഷൻ അനുവദിച്ച മുൻ സർക്കാരിന്റെ നടപടിക്കെതിരെ മുഖ്യമന്ത്രിക്ക് പരാതി. ചീഫ് സെക്രട്ടറി എ. ജയതിലകിന് അനധികൃതമായി ആനുകൂല്യങ്ങൾ അനുവദിച്ച മുൻ സർക്കാർ ഉത്തരവ് റദ്ദാക്കണമെന്നും, ഇതിന്റെ നിയമസാധുത പരിശോധിക്കണമെന്നും ആവശ്യപ്പെട്ടാണ് സർക്കാരിന് മുന്നിൽ പരാതി എത്തിയിരിക്കുന്നത്.

ALSO READ: ഔദ്യോഗിക കാറിന്റെ നമ്പറിലും ആ 'മാന്ത്രിക സംഖ്യ'; മന്ത്രി ഒ.ജെ. ജനീഷിന് വീണ്ടുമൊരു സർപ്രൈസ്

ഹൈക്കോടതി അഭിഭാഷകനും പൊതുപ്രവർത്തകനുമായ അഡ്വ. കുളത്തൂർ ജയ്‌സിങ്ങാണ് മുഖ്യമന്ത്രിക്ക് പരാതി നൽകിയത്. സാധാരണയായി ഒരു ഉദ്യോഗസ്ഥൻ വിരമിക്കുന്ന ദിവസത്തിലോ തൊട്ടടുത്ത ദിവസങ്ങളിലോ ആണ് പെൻഷൻ ആനുകൂല്യങ്ങൾ അനുവദിച്ച് ഉത്തരവിറക്കാറുള്ളത്. എന്നാൽ നിലവിലെ ചീഫ് സെക്രട്ടറി വിരമിക്കാൻ രണ്ട് മാസം ബാക്കിയുള്ളപ്പോഴാണ് മുൻ സർക്കാർ ധൃതിപിടിച്ച് പെൻഷൻ അനുവദിച്ച് ഉത്തരവിറക്കിയത്.

പുതിയ സർക്കാർ അധികാരമേറ്റ് ഒരു മാസം കഴിഞ്ഞാണ് ചീഫ് സെക്രട്ടറി വിരമിക്കുന്നത്. അതുകൊണ്ടുതന്നെ പുതിയ സർക്കാർ തീരുമാനമെടുക്കേണ്ട വിഷയത്തിൽ കാലാവധി കഴിയും മുൻപ് പഴയ സർക്കാർ ഉത്തരവിറക്കിയത് നിലവിലെ മാനദണ്ഡങ്ങളുടെ ലംഘനമാണെന്നും ഭരണഘടനാപരമായ വ്യവസ്ഥിതിയെ അട്ടിമറിക്കുന്നതാണെന്നും പരാതിയിൽ ചൂണ്ടിക്കാട്ടുന്നു.

A formal complaint has been filed with the Chief Minister seeking the cancellation of an order issued by the previous government, which granted pension benefits to Chief Secretary A. Jayathilak two months before his actual retirement.