പത്തനംതിട്ട: തെരഞ്ഞെടുപ്പിന് മുമ്പ് ധൃതിപിടിച്ച് ഉദ്ഘാടനം നടത്തിയ പത്തനംതിട്ട ജനറല്‍ ആശുപത്രി കെട്ടിടത്തിന്റെ നിര്‍മാണത്തില്‍ നിലവാരം ഉറപ്പാക്കാനായില്ലെന്ന് കിറ്റ്‌കോ എന്‍ജിനീയര്‍. ഉദ്ഘാടനത്തിനായി ഉന്നതങ്ങളില്‍ നിന്ന് വലിയ സമ്മര്‍ദമുണ്ടായിരുന്നുവെന്നും ആശുപത്രി മാനേജ്‌മെന്റ് കമ്മിറ്റി യോഗത്തില്‍ എന്‍ജിനീയര്‍ തുറന്നു പറഞ്ഞു.

നിര്‍മാണ പ്രവര്‍ത്തനങ്ങളുമായി ബന്ധപ്പെട്ട മുഴുവന്‍ കാര്യങ്ങളും പരിശോധിക്കണമെന്ന് അബിന്‍ വര്‍ക്കി നിര്‍ദേശം നല്‍കി. കെട്ടിട നിര്‍മാണവുമായി ബന്ധപ്പെട്ട എല്ലാ ഫയലുകളും ഹാജരാക്കാന്‍ ജില്ലാ പഞ്ചായത്ത് പ്രസിഡന്റും നിര്‍ദേശം നല്‍കിയിട്ടുണ്ട്.

നിര്‍മാണവുമായി ബന്ധപ്പെട്ട മുഴുവന്‍ കണക്കുകളും ഓഡിറ്റിന് വിധേയമാക്കാനാണ് തീരുമാനം. ഭിത്തി കെട്ടിയതിന് പിന്നാലെ തന്നെ സിമന്റ് പൂശല്‍ നടത്തിയതിനെതിരെ നേരത്തെ കോണ്‍ഗ്രസ് പ്രതിഷേധവുമായി രംഗത്തെത്തിയിരുന്നു.