പാലക്കാട്: ദലിത് യുവതിയെ ബലാത്സംഗം ചെയ്‌തെന്ന കേസില്‍ കോണ്‍ഗ്രസ് കൗണ്‍സിലര്‍ പ്രശോഭ് സി. വത്സന്‍  പൊലിസില്‍ കീഴടങ്ങി. ഹൈക്കോടതി മുന്‍കൂര്‍ ജാമ്യാപേക്ഷ തള്ളിയതിനെ തുടര്‍ന്നാണ് പ്രതി പാലക്കാട് സൗത്ത് പൊലിസില്‍ ഹാജരായത്. കഴിഞ്ഞ രണ്ട് മാസമായി തമിഴ്‌നാട്ടില്‍ ഒളിവില്‍ കഴിയുകയായിരുന്നുവെന്നാണ് വിവരം.

ജസ്റ്റിസ് എ. ബദറുദ്ദീന്‍ അധ്യക്ഷനായ ബെഞ്ചാണ് വാദം കേട്ട ശേഷം മുന്‍കൂര്‍ ജാമ്യം നിഷേധിച്ചത്. യുവതി പിന്നീട് നല്‍കിയ പരാതിയില്‍ പുതിയ ആരോപണങ്ങള്‍ കൂട്ടിച്ചേര്‍ത്തതാണെന്നും, ബന്ധം പരസ്പര സമ്മതപ്രകാരമായിരുന്നെന്നുമാണ് പ്രതിഭാഗം കോടതിയില്‍ വാദിച്ചത്. എന്നാല്‍ ഈ വാദങ്ങള്‍ കോടതി തള്ളി.

ബലാത്സംഗം,  എസ്.സി എസ.്ടി  പീഡന നിരോധന നിയമം പ്രകാരമുള്ള വകുപ്പുകള്‍ ഉള്‍പ്പെടെ ഗുരുതര കുറ്റങ്ങളാണ് പ്രശോഭിനെതിരെ ചുമത്തിയിരിക്കുന്നത്. ജോലി വാഗ്ദാനം ചെയ്ത് താമസ സ്ഥലത്തെത്തി പീഡിപ്പിച്ചുവെന്നാണ് യുവതിയുടെ പരാതി. 

പട്ടാമ്പിയിലെ ഒരു വ്യാപാര സ്ഥാപനത്തില്‍ ജോലി നല്‍കാമെന്ന് പറഞ്ഞ് കാറില്‍ കയറ്റിക്കൊണ്ടുപോയി പീഡിപ്പിച്ചതായും, പാലക്കാട് ജില്ലാ ആശുപത്രി സമീപത്ത് വെച്ചും അതിക്രമം നടത്തിയതായും പരാതിയില്‍ പറയുന്നു.

ഇതുകൂടാതെ പാലക്കാട്ട് ഒരു ഹോട്ടലിലേക്ക് ഭീഷണിപ്പെടുത്തി വിളിച്ചുവരുത്തി പീഡിപ്പിക്കാന്‍ ശ്രമിച്ചെന്നും, സംഭവങ്ങളുടെ ദൃശ്യങ്ങള്‍ മൊബൈല്‍ ഫോണില്‍ പകര്‍ത്തിയതായും യുവതി ആരോപിക്കുന്നു.

പാലക്കാട് നഗരസഭയിലെ 24ാം വാര്‍ഡിലെ കൗണ്‍സിലറാണ് പ്രശോഭ് സി. വത്സന്‍.

Prashobh C. Vatsan, a Congress councillor accused in a case involving the alleged assault of a Dalit woman, has surrendered before authorities. The case had triggered political and public attention, with demands for strict legal action. Police and investigating officials are continuing further proceedings as part of the ongoing investigation.