ഫറോക്ക്: സഊദിയില്‍ ജയില്‍ മോചിതനായ കോഴിക്കോട് രാമനാട്ടുകര കോടമ്പുഴയിലെ അബ്ദുല്‍ റഹീം നാട്ടില്‍ എത്തി. സഊദി സമയം രാത്രി 11.55 ന് റിയാദില്‍ നിന്ന് പുറപ്പെട്ട എയര്‍ഇന്ത്യ എക്‌സ്പ്രസ് വിമാനത്തിലാണ് റഹീം കോഴിക്കോട്ടെത്തിയത്. 

രാവിലെ 7. 35 ഓടെയാണ് വിമാനം കരിപ്പൂര്‍ വിമാനത്താവളത്തില്‍ ലാന്‍ഡ് ചെയ്തത്. നടപടിക്രമങ്ങള്‍ പൂര്‍ത്തിയാക്കി 8. 20 ഓടെ പുറത്തിറങ്ങി. നിറകണ്ണുകളോടെയാണ് വിമാനത്താവളത്തില്‍ നിന്ന് റഹിം പുറത്തേക്കിറങ്ങിയത്. എല്ലാവര്‍ക്കും നന്ദിയുണ്ടെന്ന് റഹിം പറഞ്ഞു.

രണ്ട് പതിറ്റാണ്ടുകാലത്തെ നീണ്ട ജയില്‍വാസത്തിന് ശേഷമാണ് റഹീം ഉമ്മയുടെയും കുടുംബത്തി?ന്റെയും അടുത്തേക്ക് മടങ്ങിയെത്തുന്നത്.

ഇക്കഴിഞ്ഞ മെയ് 26-നാണ് റഹീമി മോചന ഉത്തരവ് ഇറങ്ങുകയും എക്‌സിറ്റ് വിസ ലഭ്യമാവുകയും ചെയ്തത്. ഇതോടെ സഹായ സമിതി നാട്ടിലേക്കുള്ള യാത്രാനടപടികള്‍ വേഗത്തിലാക്കിയിരുന്നു. ബുധനാഴ്?ച ഉച്ചയോടെ ജയിലില്‍ നിന്നും നാടുകടത്തല്‍ സെല്ലിലേക്ക് മാറ്റിയ റഹീമിനെ, രാത്രിയോടെ വിമാനത്താവളത്തില്‍ എത്തിച്ച് വിരലടയാളം രേഖപ്പെടുത്തല്‍ ഉള്‍പ്പെടെയുള്ള ഇമിഗ്രേഷന്‍ നടപടികള്‍ ഏറെ വൈകി പൂര്‍ത്തിയാക്കിയ ശേഷമാണ് വിമാനത്തില്‍ കയറ്റിയത്.

An emotional scene unfolded as Abdul Raheem returned to his hometown after spending 20 years in prison. Fighting back tears, he thanked everyone who supported him throughout the long legal and emotional struggle. His homecoming has drawn widespread attention and emotional reactions from people across Kerala.