പൂനെ: മഹാരാഷ്ട്രയിലെ പുനെയില്‍ വ്യാജമദ്യം കഴിച്ച് 18 പേര്‍ മരിച്ചു. പൂനെയിലെ ഹട്സ്പര്‍, പിമ്പിരി ചിഞ്ചുവാട്ട് മേഖലകളിലാണ് സംഭവമുണ്ടായത്. ദപോഡി- ഫുഗേവാഡി മേഖലയിലാണ് 13 മരണമുണ്ടായത്. പിന്നീലെ ഹഡ്‌സറിലും കാലേപാദലിലും മണിക്കൂറുകളുടെ വ്യത്യാസത്തില്‍ അഞ്ച് മരണങ്ങള്‍ കൂടി റിപ്പോര്‍ട്ട് ചെയ്തു. 

അനധികൃത മദ്യം വിതരണം ചെയ്ത യോഗേഷ് വാങ്കെഡെ എന്ന വ്യക്തിയുള്‍പ്പെടെ എട്ട് പേരെ പൊലിസ് അറസ്റ്റ് ചെയ്തിട്ടുണ്ട്. 
ഇയാള്‍ മുന്‍പും സമാനമായ രീതിയില്‍ അനധികൃത മദ്യവില്പന നടത്തിയ കേസുകളില്‍ പ്രതിയാണ്. 

വ്യാജമദ്യം കഴിച്ചതിന് പിന്നാലെ നിരവധി പേര്‍ക്ക് കാഴ്ച നഷ്ടപ്പെടുകയും ആന്തരികാവയവങ്ങളെ ഗുരുതരമായി ബാധിക്കുകയും ചെയ്തിട്ടുണ്ട്. മദ്യം കഴിച്ചവര്‍ക്ക് പെട്ടെന്നുതന്നെ ശാരീരിക അസ്വസ്ഥതകള്‍ അനുഭവപ്പെടുകയായിരുന്നു. ഛര്‍ദ്ദിയും വയറുവേദനയും അനുഭവപ്പെട്ടതിന് പിന്നാലെ ഇവരെ ആശുപത്രിയില്‍ പ്രവേശിപ്പിക്കുകയായിരുന്നു.  നിരവധി പേര്‍ ആശുപത്രികളില്‍ അതീവ ഗുരുതരാവസ്ഥയില്‍ ചികിത്സയില്‍ തുടരുകയാണ്.

പോസ്റ്റ്മോര്‍ട്ടം, കെമിക്കല്‍ അനാലിസിസ് റിപ്പോര്‍ട്ടുകള്‍ ലഭിച്ചതിനുശേഷം മാത്രമേ ഔദ്യോഗികമായി കേസ് രജിസ്റ്റര്‍ ചെയ്യുകയുള്ളൂവെന്ന് ഹഡപ്സര്‍, കാലേപാദല്‍ പൊലിസ് ഉദ്യോഗസ്ഥര്‍ പറഞ്ഞു,

At least 18 people died and several others remain in critical condition following a spurious liquor tragedy in Pune. Authorities have launched an investigation into the incident, while medical teams continue efforts to treat those affected by the suspected toxic alcohol consumption.