കണ്ണൂര്‍: സ്‌കൂട്ടറില്‍ ഗുഡ്‌സ് വാഹനം ഇടിച്ച് നാല് വയസ്സുകാരി മരിച്ചു. കുറ്റിയാട്ടൂര്‍ പാവന്നൂര്‍ കടവ് പള്ളിക്ക് സമീപമാണ് സംഭവം നടന്നത്.  കുറ്റിക്കുന്നുമ്മല്‍ പി.കെ. മുഹമ്മദ് സാജിദ് എം.കെ. മൈമൂനത്ത് ദമ്പതികളുടെ മകള്‍ തഷ്‌റീഫ(4)യാണ് മരിച്ചത്.

റോഡരികില്‍ നിര്‍ത്തിയിട്ടിരുന്ന സ്‌കൂട്ടറില്‍ മാതാപിതാക്കള്‍ക്കൊപ്പം ഇരിക്കുമ്പോഴാണ് അമിതവേഗത്തില്‍ എത്തിയ ഗുഡ്‌സ് വാഹനം ഇടിച്ചത്. ഇന്നലെ രാത്രി ഒന്‍പത് മണിയോടെയായിരുന്നു അപകടം.

ഗുരുതരമായി പരുക്കേറ്റ തഷ്‌റീഫയെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. അപകടത്തില്‍ പരുക്കേറ്റ മാതാപിതാക്കളായ സാജിദും മൈമൂനത്തും കണ്ണൂരിലെ സ്വകാര്യ ആശുപത്രിയില്‍ ചികിത്സയിലാണ്.

പാവന്നൂര്‍ എ.എല്‍.പി സ്‌കൂളില്‍ എല്‍.കെ.ജി വിദ്യാര്‍ഥിനിയായി തഷ്‌റീഫയെ ചേര്‍ത്തിരുന്നു. സ്‌കൂളില്‍ പോകാന്‍ ഒരുങ്ങുന്നതിനിടെയായിരുന്നു ദാരുണ അപകടം ഉണ്ടായത്.