ദുബൈ: ദുബൈയിലെ വിവിധ വികസന മേഖലകളെ പിന്തുണയ്ക്കുന്നതിനായി 74.7 ദശലക്ഷം ദിർഹത്തിന്റെ എൻഡോവ്‌മെന്റ് നിക്ഷേപ റിട്ടേണുകൾ വിതരണം ചെയ്തതായി ദുബൈ ഔഖാഫ്. ദുബൈയിലുടനീളമുള്ള ആരോഗ്യ സംരക്ഷണം, വിദ്യാഭ്യാസം, സാമൂഹിക ക്ഷേമം എന്നിവ മുൻനിർത്തി പ്രവർത്തിക്കുന്ന ഒമ്പത് പ്രമുഖ സർക്കാർ-അർദ്ധ സർക്കാർ സ്ഥാപനങ്ങൾക്കാണ് ഫണ്ട് കൈമാറിയത്.

ഇസ് ലാമിക് അഫയേഴ്‌സ് ആൻഡ് ചാരിറ്റബിൾ ആക്ടിവിറ്റീസ് ഡിപ്പാർട്ട്‌മെന്റ് (IACAD), കമ്മ്യൂണിറ്റി ഡെവലപ്‌മെന്റ് അതോറിറ്റി (CDA), ദുബൈ ക്ലബ് ഫോർ പീപ്പിൾ ഓഫ് ഡിറ്റർമിനേഷൻ, മുഹമ്മദ് ബിൻ റാഷിദ് യൂണിവേഴ്‌സിറ്റി ഓഫ് മെഡിസിൻ ആൻഡ് ഹെൽത്ത് സയൻസസ് (MBRU), ദുബൈ ഫൗണ്ടേഷൻ ഫോർ വിമൻ ആൻഡ് ചിൽഡ്രൻ (DFWAC) തുടങ്ങിയ പ്രമുഖ സ്ഥാപനങ്ങളാണ് ധനസഹായത്തിന്റെ പ്രധാന ഗുണഭോക്താക്കൾ. മെഡിക്കൽ ഗവേഷണങ്ങൾ, വിദ്യാഭ്യാസ പദ്ധതികൾ, നിശ്ചയദാർഢ്യമുള്ള വ്യക്തികൾക്കുള്ള പരിചരണ സേവനങ്ങൾ, വിവിധ മാനുഷിക സംരംഭങ്ങൾ എന്നിവയ്ക്കായി ഈ തുക വിനിയോഗിക്കും.

ഭരണപരമായ കാര്യക്ഷമതയിലൂടെയും സുസ്ഥിര നിക്ഷേപങ്ങളിലൂടെയും എൻഡോവ്‌മെന്റ് ആസ്തികൾ മികച്ച രീതിയിലാണ് കൈകാര്യം ചെയ്യുന്നതെന്ന് ദുബൈ ഔഖാഫ് സെക്രട്ടറി ജനറൽ അലി അൽ മുതവ വ്യക്തമാക്കി. സമൂഹത്തിലെ ദുർബല വിഭാഗങ്ങൾക്ക് ആവശ്യമായ സേവനങ്ങൾ ഉറപ്പാക്കാനും സുസ്ഥിര വികസന ലക്ഷ്യങ്ങൾ കൈവരിക്കാനും ഇത്തരം കമ്മ്യൂണിറ്റി പങ്കാളിത്ത മാതൃകകൾ സഹായിക്കും. ദുബൈയുടെ ദീർഘകാല സാമ്പത്തിക-സാമൂഹിക പുരോഗതിക്ക് കരുത്തുപകരുന്നതിനായി വരും വർഷങ്ങളിലും നിക്ഷേപ തന്ത്രങ്ങളും എൻഡോവ്‌മെന്റ് പദ്ധതികളും കൂടുതൽ വിപുലീകരിക്കുമെന്നും ദുബൈ ഔഖാഫ് അധികൃതർ കൂട്ടിച്ചേർത്തു.

ALSO READ: ബഹ്‌റൈന് നേരെ ഇറാൻ നടത്തിയ ആക്രമണത്തെ ശക്തമായി അപലപിച്ച് യുഎഇ; പൂർണ്ണ പിന്തുണ പ്രഖ്യാപിച്ചു

Dubai Awqaf has allocated Dh74.7 million in financial assistance to strengthen education and healthcare initiatives, reinforcing community development and social welfare efforts across the emirate.