ലഖ്നൗ: ഉത്തർപ്രദേശിലെ ബുന്ദേൽഖണ്ഡ് മേഖലയിൽ കടുത്ത ജലക്ഷാമം മൂലം യുവാക്കളുടെ വിവാഹാലോചനകൾ കൂട്ടത്തോടെ മുടങ്ങുന്നതായി റിപ്പോർട്ട്. മഹോബ ജില്ലയിലെ മുധാര ഗ്രാമത്തിലാണ് കുടിവെള്ളമില്ലാത്തതിന്റെ പേരിൽ യുവാക്കൾക്ക് പെണ്ണ് കിട്ടാത്ത വിചിത്രവും എന്നാൽ സങ്കടകരവുമായ സാഹചര്യം നിലനിൽക്കുന്നത്.

ALSO READ: "രണ്ട് തവണ അമേരിക്കയുടെ മുന്നറിയിപ്പ് ലഭിച്ചു, എന്നിട്ടും കപ്പൽ മുന്നോട്ട് പോയി"; ഒമാൻ തീരത്ത് കൊല്ലപ്പെട്ട ആദിത്യന്റെ മരണത്തിൽ അന്വേഷണം ആവശ്യപ്പെട്ട് പിതാവ്

വറ്റി വരണ്ട പൈപ്പുകളും രൂക്ഷമായ ശുദ്ധജല ക്ഷാമവുമാണ് ഗ്രാമത്തിന്റെ ശാപമായി മാറിയിരിക്കുന്നത്. വെള്ളമില്ലാത്ത നാട്ടിലേക്ക് തങ്ങളുടെ പെൺമക്കളെ കെട്ടിച്ചയച്ചാൽ അവർ ദുരിതത്തിലാകുമെന്ന ഭയത്താൽ മറ്റ് ഗ്രാമങ്ങളിലുള്ള മാതാപിതാക്കൾ ഇങ്ങോട്ടേക്കുള്ള ആലോചനകൾ പാടേ നിരസിക്കുകയാണെന്ന് നാട്ടുകാർ പറയുന്നു.

ALSO READ: ഭാര്യയറിയാതെ വാങ്ങിയത് രണ്ടരക്കോടിയുടെ വായ്പ; നഴ്‌സുമായുള്ള രഹസ്യബന്ധം പുറത്തായതോടെ ക്രൂര പീഡനം; ഡോക്ടറുടെ ആത്മഹത്യയിൽ ഭർത്താവിനെതിരെ കേസ്

ഗ്രാമത്തിലെ സ്ത്രീകളും കുട്ടികളും ദിവസേന കിലോമീറ്ററുകളോളം ദൂരമാണ് കുടിവെള്ളത്തിനായി കാൽനടയായി സഞ്ചരിക്കുന്നത്. കടുത്ത ചൂടിൽ ദീർഘദൂരം നടന്ന് വെള്ളം ചുമക്കേണ്ടി വരുന്നത് ഇവരുടെ ദൈനംദിന ജീവിതത്തെ പൂർണ്ണമായും താറുമാറാക്കിയിട്ടുണ്ട്.

ഗ്രാമങ്ങളിലെ ജലക്ഷാമം പരിഹരിക്കാൻ സർക്കാർ വിഭാവനം ചെയ്ത 'ഹർ ഘർ ജൽ' പദ്ധതി പ്രകാരം ഇവിടെ പൈപ്പുകൾ സ്ഥാപിച്ചിട്ടുണ്ടെങ്കിലും, അതിലൂടെ ഇന്നേവരെ ഒരു തുള്ളി വെള്ളം പോലും വന്നിട്ടില്ലെന്ന് ഗ്രാമവാസികൾ ആരോപിക്കുന്നു. ടാങ്കറുകളെയും ദൂരെയുള്ള കിണറുകളെയും മാത്രമാണ് ജനങ്ങൾ ഇപ്പോൾ ആശ്രയിക്കുന്നത്.

വെള്ളമില്ലാത്ത ഒരു ഗ്രാമത്തിലേക്ക് മക്കളെ അയക്കാൻ ഒരു മാതാപിതാക്കളും തയ്യാറാകില്ല. പൈപ്പുകൾ വന്നെങ്കിലും വെള്ളം വന്നിട്ടില്ല. ഞങ്ങളുടെ മക്കളുടെ ഭാവി ഇതോടെ പ്രതിസന്ധിയിലായിരിക്കുകയാണ് എന്ന് ഒരു ഗ്രാമവാസി പറഞ്ഞു.

അടിയന്തര ഇടപെടലുമായി ജില്ലാ ഭരണകൂടം

മുധാര ഗ്രാമത്തിലെ ജലക്ഷാമ പ്രതിസന്ധി ശ്രദ്ധയിൽപ്പെട്ടിട്ടുണ്ടെന്നും പ്രശ്നത്തിന് അടിയന്തര പരിഹാരം കാണാൻ ബന്ധപ്പെട്ട ഉദ്യോഗസ്ഥർക്ക് കർശന നിർദ്ദേശം നൽകിയിട്ടുണ്ടെന്നും ജില്ലാ ഭരണകൂടം അറിയിച്ചു. പൈപ്പ് ലൈനുകളിലെ സാങ്കേതിക തകരാറുകൾ പരിഹരിച്ച് എത്രയും വേഗം ശുദ്ധജല വിതരണം പുനഃസ്ഥാപിക്കുമെന്നും, അതുവരെ താൽക്കാലിക സംവിധാനമെന്ന നിലയിൽ ടാങ്കറുകൾ വഴി കൃത്യമായി വെള്ളം എത്തിക്കുമെന്നും അധികൃതർ ഉറപ്പുനൽകിയിട്ടുണ്ട്.

In parts of Uttar Pradesh facing severe water scarcity, wedding traditions are undergoing a meaningful shift.