തിരുവനന്തപുരം: യു.ഡി.എഫ് സര്‍ക്കാരിന്റെ ആദ്യ ബജറ്റില്‍ റാഗിങ് തടയാനുള്ള പദ്ധതിയും. പൂക്കോട് വെറ്റിനറി കോളജില്‍ റാഗിങിനെ തുടര്‍ന്ന് മരിച്ച സിദ്ധാര്‍ഥിന്റെ പേരിലാണ് പദ്ധതി പ്രഖ്യാപിച്ചത്. 

കേരളത്തെ ഉന്നത വിദ്യാഭ്യാസത്തിന്റെ ഹബ്ബാക്കുമെന്നും ബജറ്റില്‍ പ്രഖ്യാപനം. കേരളത്തിലെ വിദ്യാര്‍ഥികള്‍ ഉന്നത പഠനത്തിനായി വന്‍തോതില്‍ വിദേശത്തേക്ക് ചേക്കേറുന്ന പ്രവണതയ്ക്ക് തടയിടാന്‍ ലക്ഷ്യമിട്ടാണ് 'കേരള നോളജ് വാലി' പദ്ധതി ബജറ്റില്‍ പ്രഖ്യാപിച്ചത്. ഉന്നതവിദ്യാഭ്യാസ മേഖലയ്ക്കായി ആകെ 100 കോടി രൂപയാണ് വകയിരുത്തിയിരിക്കുന്നത്.

ലോകത്തെ മുന്‍നിര വിദ്യാഭ്യാസ സ്ഥാപനങ്ങളുമായും വിദേശ സര്‍വ്വകലാശാലകളുമായും സഹകരിച്ച് അന്താരാഷ്ട്ര നിലവാരത്തിലുള്ള പഠനസൗകര്യം കേരളത്തില്‍ തന്നെ ഉറപ്പാക്കാന്‍ നോളജ് വാലി പദ്ധതി സഹായിക്കും.

ഇതിനായി പ്രത്യേക മികവിന്റെ കേന്ദ്രങ്ങള്‍ (Cetnres of Excellence) സ്ഥാപിക്കും. ഉന്നതവിദ്യാഭ്യാസ രംഗത്ത് കൂടുതല്‍ സ്വകാര്യ നിക്ഷേപങ്ങളും വികസനവും സാധ്യമാക്കുന്നതിനായി സ്വകാര്യ സര്‍വ്വകലാശാല ബില്ലില്‍ ആവശ്യമായ പരിഷ്‌കരണങ്ങള്‍ വരുത്തുമെന്നും ബജറ്റ് പ്രസംഗത്തില്‍ പ്രഖ്യാപനമുണ്ട്.

പ്രത്യേക നിയമ നിര്‍മാണത്തിലൂടെ മുന്‍നിരയിലുള്ള വിദേശ സര്‍വകലാശാലകളെ കേരളത്തിലേക്ക് ആകര്‍ഷിക്കും. മുന്‍നിര സ്ഥാപനങ്ങളുമായി സഹകരിക്കും. വിദ്യാര്‍ഥികള്‍ക്ക് കേരളത്തില്‍ തന്നെ ലോകോത്തര അവസരം കണ്ടെത്താന്‍ അവസരം. എല്ലാ പ്രധാന സര്‍വകലാശാലകളിലും സ്റ്റുഡന്റ് ഡൈവേഴ്‌സിറ്റിക്ക് പ്രത്യേക പരിഗണന

എല്ലാ പെണ്‍കുട്ടികള്‍ക്കും സാനിറ്ററി നാപ്കിന്‍ ഉറപ്പുവരുത്തും. ക്യാംപസുകളെ ഗേള്‍സ് ഫ്രണ്ട്‌ലി ആക്കും.

A new budget announcement has introduced an anti-ragging initiative in the name of Siddharth, aiming to strengthen student safety and curb ragging in educational institutions. The proposal also focuses on transforming campuses into more girl-friendly spaces by improving safety, accessibility, and support systems for female students.