ന്യൂഡല്‍ഹി:  കേന്ദ്രമന്ത്രി ജോര്‍ജ് കുര്യന്‍ രാജിവച്ചു. രാജ്യസഭാ കാലാവധി പൂര്‍ത്തിയായതിനു പിന്നാലെയാണ് രാജി. അദ്ദേഹത്തിന്റെ രാജി രാഷ്ട്രപതി ദ്രൗപദി മുര്‍മു ഔദ്യോഗികമായി സ്വീകരിച്ചു.  ന്യൂനപക്ഷകാര്യം, മത്സ്യബന്ധനം, മൃഗസംരക്ഷണം എന്നീ വകുപ്പുകളുടെ സഹമന്ത്രിയായിരുന്നു മൂന്നാം മോദി മന്ത്രിസഭയില്‍ ജോര്‍ജ് കുര്യന്‍. മധ്യപ്രദേശില്‍ നിന്നുള്ള രാജ്യസഭാംഗമായിരുന്നു.

ALSO READ: ബുള്‍ഡോസര്‍ രാജ് മുതല്‍ നിര്‍ബന്ധിത വന്ദേമാതരം വരെ; മുസ്‌ലിംകള്‍ക്കെതിരായ അതിക്രമങ്ങളില്‍ രാജ്യവ്യാപക പ്രക്ഷോഭം ആരംഭിക്കാന്‍ പഴ്സണല്‍ ലോ ബോര്‍ഡ്

രാജ്യസഭാ തെരഞ്ഞെടുപ്പില്‍ ബി.ജെ.പി കേന്ദ്ര നേതൃത്വം കുര്യന് വീണ്ടും സീറ്റ് നല്‍കിയിരുന്നില്ല. മന്ത്രിസ്ഥാനം ഒഴിഞ്ഞ ജോര്‍ജ് കുര്യന്‍ പാര്‍ട്ടി സംഘടനാ രംഗത്തേക്ക് മടങ്ങുമെന്നാണ് സൂചന. കേരളം കേന്ദ്രീകരിച്ച് സജീവമായി പ്രവര്‍ത്തിക്കാനുള്ള താല്‍പര്യം ബി.ജെ.പി കേന്ദ്ര നേതൃത്വത്തെ അറിയിച്ചിട്ടുണ്ടെന്നും റിപ്പോര്‍ട്ടുകള്‍ പറയുന്നു.

കേന്ദ്ര സഹമന്ത്രിയായി 2024 ജൂണ്‍ 9നാണ് ജോര്‍ജ് കുര്യന്‍ ചുമതലയേറ്റത്. കഴിഞ്ഞ നിയമസഭാ തെരഞ്ഞടുപ്പില്‍ കാഞ്ഞിരപ്പള്ളിയില്‍ നിന്ന് മത്സരിച്ചിരുന്നു. എന്നാല്‍ ാര്യമായ ചലനമുണ്ടാക്കാന്‍ കുര്യന് കഴിഞ്ഞില്ല. 

union minister george kurian has resigned following the end of his rajya sabha term. the resignation was accepted by president droupadi murmu amid reports of a possible organisational role in kerala bjp.