കോട്ടയം: മുല്ലപ്പെരിയാര്‍ സുരക്ഷാ സമിതിയില്‍ നിന്ന് കേരളത്തിന്റെ പ്രതിനിധിയെ ഒഴിവാക്കിയ നടപടിയില്‍ പ്രതികരണവുമായി ജലവിഭവ വകുപ്പ് മന്ത്രി മോന്‍സ് ജോസഫ്. ഉത്തരവ് തിരുത്തണമെന്ന് കേന്ദ്ര സര്‍ക്കാരിനോട് ആവശ്യപ്പെട്ടിരുന്നുവെന്നും കേരളത്തിന്റെ ആവശ്യം കേന്ദ്രം പരിഗണിച്ചിട്ടുണ്ടെന്നും മന്ത്രി പറഞ്ഞു.

കേരളത്തിന്റെ പ്രതിനിധിയെ നിര്‍ദേശിക്കാന്‍ കേന്ദ്രം രേഖാമൂലം ആവശ്യപ്പെട്ടിട്ടുണ്ടെന്നും, മുഖ്യമന്ത്രിയുമായി ചര്‍ച്ച നടത്തിയ ശേഷം എത്രയും വേഗം പ്രതിനിധിയെ തീരുമാനിക്കുമെന്നും അദ്ദേഹം വ്യക്തമാക്കി.

ALSO READ: വാഹനമില്ലാതെ ലഹരിവേട്ട; കോഴിക്കോട് എക്‌സൈസ് പ്രതിസന്ധിയില്‍

മദ്യനയവുമായി ബന്ധപ്പെട്ട് മുഖ്യമന്ത്രി നിയമസഭയില്‍ വ്യക്തത വരുത്തിയിട്ടുണ്ടെന്നും മോന്‍സ് ജോസഫ് പറഞ്ഞു. സംസ്ഥാനത്തിന് ദോഷകരമായ സാഹചര്യം മദ്യനയത്തിന്റെ പേരില്‍ ഉണ്ടാകാന്‍ പാടില്ലെന്നാണ് കേരള കോണ്‍ഗ്രസിന്റെ നിലപാടെന്നും അദ്ദേഹം പറഞ്ഞു.

മദ്യത്തിന്റെ ഉപയോഗം ഘട്ടംഘട്ടമായി കുറയ്ക്കണമെന്നാണ് പാര്‍ട്ടി നിലപാടെന്നും, മദ്യനയവുമായി ബന്ധപ്പെട്ട എല്ലാ വിഷയങ്ങളും യു.ഡി.എഫില്‍ ചര്‍ച്ച ചെയ്ത് തീരുമാനിക്കുമെന്നും മന്ത്രി വ്യക്തമാക്കി. യു.ഡി.എഫ് യോഗത്തിന് ശേഷമേ ഇക്കാര്യത്തില്‍ കൂടുതല്‍ പ്രതികരിക്കുകയുള്ളുവെന്നും ചര്‍ച്ചയ്ക്ക് ശേഷം വ്യക്തമായ ധാരണയിലെത്തുമെന്നും അദ്ദേഹം കൂട്ടിച്ചേര്‍ത്തു.

Water Resources Minister Mons Joseph responded to the move to exclude Kerala's representative from the Mullaperiyar Safety Committee. The minister said Kerala had asked the Central Government to correct the order, and the Centre has considered Kerala's demand.