കോഴിക്കോട്: ബംഗളൂരു സ്ഫോടനക്കേസിന്റെ വിചാരണക്കോടതി മാറ്റി. ബംഗളൂരു അഡീഷണല്‍ സിറ്റി സിവില്‍ ആന്‍ഡ് സെഷന്‍സ് കോടതിയിലെ 43-ാം നമ്പര്‍ കോടതിയില്‍ നിന്ന് 93-ാം നമ്പര്‍ പ്രത്യേക കോടതിയിലേക്കാണ് കേസ് മാറ്റിയത്. സംസ്ഥാന പൊലിസ് അന്വേഷിച്ച എന്‍ഐഎ കേസുകള്‍ പ്രത്യേക കോടതിയിലേക്ക് മാറ്റുന്നതിന്റെ ഭാഗമായാണ് നടപടി.

ഏഴ് മാസം നീണ്ട അന്തിമവാദം പൂര്‍ത്തിയാക്കി വിധി പറയാന്‍ കാത്തിരിക്കെയായിരുന്നു കോടതിമാറ്റം. ഇതോടെ കേസിലെ വിധി വീണ്ടും വൈകാനാണ് സാധ്യത. ഇതിനെതിരെ സുപ്രിംകോടതിയെ സമീപിക്കാനാണ് വിചാരണ നേരിടുന്നവരുടെ തീരുമാനം.

ALSO READ: ഇഡിയെ ആക്രമിച്ച കേസ്: ജാമ്യവിവാദത്തില്‍ പ്രോസിക്യൂട്ടര്‍ക്കെതിരേ കൂടുതല്‍ ആരോപണങ്ങള്‍

അതേസമയം, കേസിലെ എട്ടാം പ്രതിയായ മലപ്പുറം പരപ്പനങ്ങാടി സ്വദേശി സക്കരിയയുടെ താല്‍ക്കാലിക ജാമ്യാപേക്ഷ ബംഗളൂരുവിലെ പ്രത്യേക കോടതി തള്ളി. രോഗബാധിതയായ മാതാവിനെ പരിചരിക്കാന്‍ ജാമ്യം അനുവദിക്കണമെന്നായിരുന്നു അപേക്ഷ. ജൂണ്‍ രണ്ടിനാണ് ഹര്‍ജി കോടതി പരിഗണിച്ചത്.

2009 മുതല്‍ കഴിഞ്ഞ 17 വര്‍ഷമായി സക്കരിയ ജാമ്യമില്ലാതെ വിചാരണത്തടവുകാരനായി ജയിലിലാണ്. വിചാരണ വേഗത്തില്‍ പൂര്‍ത്തിയാക്കണമെന്ന സുപ്രീംകോടതിയുടെ നിര്‍ദേശം ഉണ്ടായിട്ടും നടപടികള്‍ നീണ്ടുപോകുകയാണെന്ന് പ്രതിഭാഗം ചൂണ്ടിക്കാട്ടുന്നു.

The trial court for the Bengaluru blast case has been changed. The case was transferred from Court No. 43 of the Bengaluru Additional City Civil and Sessions Court to Special Court No. 93.