തിരുവനന്തപുരം: തിരുവനന്തപുരം മൃഗശാലയിലെ കീപ്പര്‍ തസ്തികയിലെ വ്യാജ നിയമനവുമായി ബന്ധപ്പെട്ട പരാതിയില്‍ വിജിലന്‍സ് പരാതിക്കാരന്റെ മൊഴി രേഖപ്പെടുത്തി. എന്‍.ജി.ഒ യൂണിയന്‍ നേതാവ് രാമചന്ദ്രനും രാജേഷും വ്യാജ രേഖകള്‍ സമര്‍പ്പിച്ചാണ് ജോലിയില്‍ പ്രവേശിച്ചതെന്ന് തെളിയിക്കുന്ന വിവരാവകാശ രേഖകള്‍ ഉള്‍പ്പെടെ പരാതിക്കാരന്‍ വിജിലന്‍സിന് കൈമാറി.

2025 ഓഗസ്റ്റിലാണ് തിരുവനന്തപുരം മൃഗശാലയിലെ കീപ്പര്‍ നിയമനത്തിലെ ക്രമക്കേട് റിപ്പോര്‍ട്ടിലൂടെ പുറത്തുവന്നത്. മൃഗശാലകളിലെ കീപ്പര്‍ നിയമനങ്ങള്‍ എംപ്ലോയ്‌മെന്റ് എക്‌സ്‌ചേഞ്ച് വഴിയാണ് നടത്തുന്നത്. ഈ നിയമനത്തില്‍ തിരുവനന്തപുരത്ത് വ്യാജ രേഖകള്‍ ഉപയോഗിച്ച് രണ്ട് പേര്‍ ജോലി നേടിയെന്ന വിവരമാണ് വിവരാവകാശ രേഖകളിലൂടെ പുറത്തുവന്നത്.

ALSO READ: സര്‍ക്കാര്‍ ഇടപെട്ടു; കോറോ ഹെല്‍ത്തിലെ കൂട്ടപ്പിരിച്ചുവിടല്‍ മരവിപ്പിച്ചു 

തിരുവനന്തപുരം കരമന സ്വദേശികളായ എന്‍.ജി.ഒ യൂണിയന്‍ നേതാവ് രാമചന്ദ്രനും രാജേഷും വ്യാജ രേഖകള്‍ ചമച്ച് കുട്ടനാട് എംപ്ലോയ്‌മെന്റ് എക്‌സ്‌ചേഞ്ച് വഴി ജോലി നേടിയെന്ന വിവരാവകാശ രേഖകളാണ് പരാതിക്കാരന്‍ വിജിലന്‍സിന് കൈമാറിയത്.

'ഔവര്‍ മ്യൂസിയം' എന്ന പേരില്‍ യഥാര്‍ഥത്തില്‍ ഇല്ലാത്ത സ്ഥാപനത്തിന്റെ പ്രവൃത്തിപരിചയ സര്‍ട്ടിഫിക്കറ്റ് ഇരുവരും ഹാജരാക്കിയതായും രേഖകളില്‍ വ്യക്തമാക്കുന്നുണ്ട്. ഈ രേഖകളും വിജിലന്‍സിന് കൈമാറിയിട്ടുണ്ട്.

ഇതിനുപുറമെ, തിരഞ്ഞെടുപ്പിന് തൊട്ടുമുമ്പ് കീപ്പര്‍ നിയമനത്തിന് കൈക്കൂലി ആവശ്യപ്പെടുന്ന സംഭവവും റിപ്പോര്‍ട്ടിലൂടെ പുറത്തുവന്നിരുന്നു. തിരുവനന്തപുരം മൃഗശാലയിലെ കീപ്പര്‍ നിയമനത്തിലെ ക്രമക്കേടുകള്‍ തുടര്‍ച്ചയായി പുറത്തുവന്നതിനെ തുടര്‍ന്ന് എല്‍.ഡി.എഫ് സര്‍ക്കാരിന്റെ അവസാന നാളുകളിലാണ് വിജിലന്‍സ് അന്വേഷണത്തിന് ഉത്തരവിട്ടത്.

In a complaint regarding fake appointments to the keeper post at Thiruvananthapuram Zoo, the Vigilance has recorded the complainant's statement. The complainant submitted RTI documents to Vigilance showing that NGO Union leaders Ramachandran and Rajesh joined the job by submitting fake documents.