റാഞ്ചി: റോഡപകടത്തില്‍ കാലിന് പരിക്കേറ്റ് ചികിത്സ തേടിയെത്തിയ പതിനെട്ടുകാരന്‍ ആശുപത്രി അധികൃതരുടെ ഗുരുതരമായ പിഴവ് മൂലം മരിച്ചതായി പരാതി. ജാര്‍ഖണ്ഡിലെ റാഞ്ചിയിലുള്ള രാജ് ആശുപത്രിയിലാണ് ദാരുണമായ ഈ സംഭവം നടന്നത്. ചികിത്സാപ്പിഴവ് മൂലം യുവാവ് മരിച്ചതിന് പിന്നാലെ 16 ലക്ഷം രൂപയുടെ ഭീമമായ ബില്ല് ആശുപത്രി അധികൃതര്‍ കൈമാറിയതോടെ ബന്ധുക്കള്‍ വലിയ രീതിയിലുള്ള പ്രതിഷേധവുമായി രംഗത്തിറങ്ങി.

രാജു കുമാര്‍ രഞ്ജന്‍ എന്ന പതിനെട്ടുകാരനാണ് ചികിത്സയ്ക്കിടയില്‍ മരണപ്പെട്ടത്. വാഹന അപകടത്തില്‍ കാലിന് ഗുരുതരമായി പരിക്കേറ്റതിനെ തുടര്‍ന്നാണ് യുവാവിനെ ആശുപത്രിയില്‍ പ്രവേശിപ്പിച്ചത്. എന്നാല്‍, ചികിത്സ മുന്നോട്ടുപോകുന്നതിനിടെ യുവാവിന്റെ ആരോഗ്യനില പെട്ടെന്ന് വഷളാവുകയായിരുന്നു.

 തുടര്‍ന്ന് തലച്ചോറില്‍ അണുബാധയുണ്ടെന്ന് വ്യക്തമാക്കിയ ഡോക്ടര്‍മാര്‍ ഇയാളെ വെന്റിലേറ്ററിലേക്ക് മാറ്റി. ഏകദേശം 40 ദിവസത്തോളം വെന്റിലേറ്ററില്‍ തുടര്‍ന്ന ശേഷമാണ് യുവാവ് മരണത്തിന് കീഴടങ്ങിയത്. ആശുപത്രിയുടെ ഭാഗത്തുനിന്നുണ്ടായ അനാസ്ഥയാണ് മരണത്തിന് കാരണമെന്നാണ് ബന്ധുക്കളുടെ ആരോപണം.

Relatives of an 18-year-old boy staged a massive protest against a hospital in Ranchi after he died of a brain infection during treatment for a leg fracture, followed by a hefty medical bill of ₹16 lakhs.