കാസര്‍കോട്: ജില്ലയിലെ പള്ളിക്കരയില്‍ പതിനേഴുകാരിയായ ഭിന്നശേഷി പെണ്‍കുട്ടിയെ ക്രൂരമായി പീഡിപ്പിച്ച കേസില്‍ മൂന്ന് പ്രതികള്‍ ബേക്കല്‍ പൊലിസിന്റെ പിടിയിലായി. തച്ചങ്ങാട് സ്വദേശിയായ മുഹമ്മദ് നൗഷാദ്, കോളിയടുക്കം സ്വദേശി കെ.പി ഷെരീഫ്, കോട്ടിക്കുളം സ്വദേശി മുഹമ്മദ് സാലിഹ് എന്നിവരെയാണ് പൊലിസ് അറസ്റ്റ് ചെയ്തത്.

കഴിഞ്ഞ ഒരു വര്‍ഷത്തിനിടയില്‍ പെണ്‍കുട്ടിയെ പ്രതികള്‍ വ്യത്യസ്ത സ്ഥലങ്ങളില്‍ എത്തിച്ച് പീഡനത്തിന് ഇരയാക്കിയെന്നാണ് കേസ്. ചൈല്‍ഡ് വെല്‍ഫെയര്‍ കമ്മിറ്റി (CWC) നല്‍കിയ ഔദ്യോഗിക റിപ്പോര്‍ട്ടിന്റെ അടിസ്ഥാനത്തിലാണ് ബേക്കല്‍ പൊലിസ് അന്വേഷണം നടത്തി പ്രതികളെ പിടികൂടിയത്. സംഭവവുമായി ബന്ധപ്പെട്ട് അഞ്ച് പോക്‌സോ (POCSO) കേസുകളാണ് നിലവില്‍ രജിസ്റ്റര്‍ ചെയ്തിട്ടുള്ളത്.

ജില്ലാ ആശുപത്രിയില്‍ നടത്തിയ വിശദമായ വൈദ്യപരിശോധനയില്‍ പെണ്‍കുട്ടി തുടര്‍ച്ചയായി പീഡനത്തിനിരയായതായി വ്യക്തമായിട്ടുണ്ട്. കേസില്‍ ഇനി രണ്ട് പ്രതികളെക്കൂടി പിടികൂടാനുണ്ടെന്നും ഇവര്‍ക്കായുള്ള തിരച്ചില്‍ ശക്തമാക്കിയതായും പൊലിസ് വൃത്തങ്ങള്‍ അറിയിച്ചു.

The Bekal police have arrested three men and registered five POCSO cases after a CWC report confirmed the repeated sexual assault of a 17-year-old differently-abled girl in Kasaragod over the past year.