കണ്ണൂർ: പയ്യന്നൂരിൽ അനസ്തേഷ്യ നൽകിയതിന് പിന്നാലെ ഗുരുതരാവസ്ഥയിലായ ഒന്നര വയസുകാരൻ മരിച്ചു. പയ്യന്നൂർ സ്വദേശി സൂരജിന്റെ മകൻ ദേവാൻഷ് ശൗര്യയാണ് മരണപ്പെട്ടത്. ചികിത്സാപ്പിഴവാണ് കുഞ്ഞിന്റെ മരണത്തിന് കാരണമെന്ന് ആരോപിച്ച് കുടുംബം പൊലിസിൽ പരാതി നൽകി.

കളിക്കുന്നതിനിടെ ചുണ്ടിനും താടിക്കും പരുക്കേറ്റതിനെ തുടർന്ന് കുഞ്ഞിന് തുന്നലിടാനായാണ് (സ്റ്റിച്ച്) മാതാപിതാക്കൾ പയ്യന്നൂരിലെ സ്വകാര്യ ആശുപത്രിയിൽ എത്തിച്ചത്. ഇവിടെ വെച്ച് തുന്നലിടുന്നതിന് മുന്നോടിയായി അനസ്തേഷ്യ നൽകിയതിന് പിന്നാലെ കുഞ്ഞിന്റെ ആരോഗ്യനില വഷളാകുകയായിരുന്നു. പിന്നാലെ കുട്ടിയെ വെന്റിലേറ്ററിലേക്ക് മാറ്റിയിരുന്നു.

വിവാഹം കഴിഞ്ഞ് എട്ടു വർഷത്തെ നീണ്ട കാത്തിരിപ്പിനൊടുവിൽ ജനിച്ച ഏക മകനാണ് ദേവാൻഷ്. കുഞ്ഞിന്റെ വേർപാടിൽ തകർന്നിരിക്കുകയാണ് ഈ കുടുംബം. സംഭവത്തിൽ ബന്ധുക്കൾ പൊലിസിൽ പരാതി നൽകുകയും പരാതിയുടെ അടിസ്ഥാനത്തിൽ ആശുപത്രിയിലെ ഡോക്ടർക്കെതിരെ പൊലിസ് കേസെടുത്ത് അന്വേഷണം ആരംഭിക്കുകയും ചെയ്തു.

A one-and-a-half-year-old child, who was undergoing medical treatment at a hospital in Payyannur, passed away after his condition critically deteriorated following the administration of anesthesia.