തിരുവനന്തപുരം: വിശ്വാസ്യതയാണ് ഒരു പത്രത്തിന്റെ ഏറ്റവും വലിയ ശക്തിയെന്നും ആ നിലയിൽ സുപ്രഭാതം കേരളത്തിനകത്തും പുറത്തും ജനവിശ്വാസം നേടിയ മാധ്യമമായി വളർന്നെന്നും മുഖ്യമന്ത്രി വി.ഡി. സതീശൻ. സുപ്രഭാതം ദിനപത്രത്തിന്റെ 13-ാം വാർഷിക കാംപയിന്റെ സംസ്ഥാനതല ഉദ്ഘാടനം നിർവഹിക്കുകയായിരുന്നു മുഖ്യമന്ത്രി.

12 വർഷത്തെ പാരമ്പര്യമുള്ള സുപ്രഭാതം കേരളത്തിൽ മാത്രമല്ല, മറ്റു സംസ്ഥാനങ്ങളിലും ഗൾഫ് നാടുകളിലുമടക്കം വലിയ സ്വാധീനം ചെലുത്തിയെന്നു മുഖ്യമന്ത്രി പറഞ്ഞു. സത്യങ്ങൾ ജനങ്ങളിലേക്ക് എത്തിക്കാനും നാടിന്റെ നന്മയ്ക്കുതകുന്ന കാര്യങ്ങൾ ചെയ്യാനും പത്രത്തിനു സാധിക്കട്ടെയെന്ന് ആശംസിച്ച മുഖ്യമന്ത്രി 13ാം കാംപയിന് വിജയാശംസകളും നേർന്നു.

ചടങ്ങില്‍ സമസ്ത സെക്രട്ടറി കെ. ഉമര്‍ ഫൈസി മുക്കം, കേന്ദ്ര മുശാവറ അംഗങ്ങളായ ബി.കെ അബ്ദുല്‍ഖാദിര്‍ അല്‍ഖാസിമി ബംബ്രാണ, പി.കെ ഹംസക്കുട്ടി മുസ് ലിയാര്‍ ആദൃശ്ശേരി, ഇ.എസ് ഹസ്സന്‍ ഫൈസി, മുഹമ്മദ് ശരീഫ് ബാഖവി വേശാല, മാനേജര്‍ കെ. മോയിന്‍ കുട്ടി മാസ്റ്റര്‍, സുപ്രഭാതം സി.ഇ.ഒ മുസ്തഫ മുണ്ടുപാറ, ഡയരക്ടര്‍ ബോര്‍ഡ് അംഗങ്ങളായ കൊടക് അബ്ദുറഹിമാന്‍ മുസ്‌ലിയാര്‍, സുലൈമാന്‍ ദാരിമി ഏലംകുളം,  വി.കെ കുഞ്ഞഹമ്മദ് ഹാജി തുടങ്ങിയവരും സുപ്രഭാതം തിരുവനന്തപുരം യൂനിറ്റ് മാനേജർ ഉമ്മര്‍ വാഴക്കാട്, ഹസന്‍ ആലംകോട്, അഹ്്മദ് റശാദി പങ്കെടുത്തു.