തിരുവനന്തപുരം: വഖ്ഫ് ബോര്‍ഡ് കേസില്‍ സര്‍ക്കാറിന് തിരിച്ചടിയുണ്ടായിട്ടില്ലെന്ന് മന്ത്രി എന്‍.ഷംസുദ്ദീന്‍ പറഞ്ഞു.

''ഈ വിഷയത്തെ മാധ്യമങ്ങള്‍ ചെറുതായാണ് കാണുന്നത്. ഇതിനെ രാഷ്ട്രീയ വിഷയമാക്കി മാറ്റാന്‍ ആണ് മാധ്യമങ്ങള്‍ ശ്രമിക്കുന്നത്. ഞങ്ങള്‍ക്ക് ഇതില്‍ കൃത്യമായ നിലപാടുണ്ട്. ഇപ്പോള്‍ കേസ് ഹൈക്കോടതിയുടെ പരിഗണനയിലാണ്. കോടതി തീരുമാനിക്കട്ടെ. കോടതിയുടെ വിധി ഞങ്ങള്‍ നടപ്പാക്കും. തമിഴ്‌നാടുമായി ബന്ധപ്പെട്ട് സമാനമായൊരു കേസ് സുപ്രിംകോടതിയില്‍ നിലനില്‍ക്കുന്നുണ്ട്. സുപ്രിംകോടതി പറയുന്നതാണ് രാജ്യത്തെ നിയമം. അത് വരുമ്പോള്‍ ആലോചിക്കാം. വഖ്ഫ് ബോര്‍ഡ് ചെയര്‍മാന്‍ വീണ്ടും യോഗം വിളിക്കുന്നത് ശരിയായ രീതിയല്ല. സര്‍ക്കാറിന് പലനടപടികളും എടുക്കാമെങ്കിലും കേസ് കോടതിയിലായതിനാലാണ് ഞങ്ങള്‍ കാത്തിരിക്കുന്നത്. വഖ്ഫ് ബോര്‍ഡിലെ  പല നിയമനങ്ങളും ശരിയല്ലെന്ന് അഭിപ്രായമുണ്ട്'' - എന്‍.ഷംസുദ്ദീന്‍ വ്യക്തമാക്കി.