ബെംഗളുരു: കര്‍ണാടകയിലെ ഓള്‍ഡ് ചന്ദാപ്പൂരില്‍ പാര്‍ക്കിങ് സ്ഥലത്ത് നിര്‍ത്തിയിട്ടിരുന്ന സ്വകാര്യ ബസുകള്‍ക്ക് തീപിടിച്ചു. സ്വകാര്യ ട്രാവല്‍സിന് കീഴിലുള്ള ബസുകളാണ് തീപിടിത്തത്തില്‍ പൂര്‍ണമായും കത്തിനശിച്ചത്. അപകടത്തില്‍ ആളപായം റിപ്പോര്‍ട്ട് ചെയ്തിട്ടില്ല. 

നിര്‍ത്തിയിട്ടിരുന്ന ഒരു ബസിനാണ് ആദ്യം തീപിടിച്ചത്. പിന്നാലെ സമീപത്തുണ്ടായിരുന്ന ബസുകളിലേക്ക് തീ പടരുകയായിരുന്നു. അപകടത്തിന് പിന്നാലെ നാലോളം ഫയര്‍ഫോഴ്‌സ് യൂണിറ്റുകള്‍ എത്തിയാണ് തീപൂര്‍ണമായും അണച്ചത്. തീപിടിത്തത്തിനുള്ള കാരണം വ്യക്തമല്ല. അന്വേഷണം ആരംഭിച്ചതായി പൊലിസ് അറിയിച്ചു.