കല്‍പ്പറ്റ: എഫ്.ആര്‍.എഫ് സംസ്ഥാന ചെയര്‍മാനായിരുന്ന എ.സി വര്‍ക്കി ജീവിച്ചത് കര്‍ഷകര്‍ക്കു വേണ്ടിയായിരുന്നുവെന്ന് തുറമുഖ മന്ത്രി കടന്നപ്പള്ളി രാമചന്ദ്രന്‍ അനുശോചന സന്ദേശത്തില്‍ പറഞ്ഞു. രാഷ്ട്രീയ പ്രവര്‍ത്തനത്തില്‍ തുടങ്ങിയ വര്‍ക്കി കറപുരളാത്ത വ്യക്തിത്വത്തിനുടമയായിരുന്നു. സ്വതന്ത്ര സംഘടനയായ എഫ്.ആര്‍.എഫ് രൂപീകരിച്ച വര്‍ക്കി പൊതുപ്രവര്‍ത്തകര്‍ക്ക് മാതൃകയാണ്. കര്‍ഷകരുടെ ആവശ്യങ്ങള്‍ക്കുവേണ്ടി ഏതറ്റം വരെ പോകാനും വര്‍ക്കി ശ്രമിച്ചിരുന്നുവെന്നും മന്ത്രി അനുസ്മരിച്ചു. കോണ്‍ഗ്രസ് എസ് ജില്ലാ കമ്മിറ്റിയും അനുശോചിച്ചു. സംസ്ഥാന ജന. സെക്രട്ടറി പി.കെ ബാബു അധ്യക്ഷനായി.