ന്യൂഡല്‍ഹി: ഇന്ത്യയുടെ എക്കാലത്തേയും മികച്ച ടെസ്റ്റ് ടീമിനെ എം.എസ് ധോണി നയിക്കും. ക്രിക്കറ്റ് മാഗസിനായ വിസ്ഡന്‍ തിരഞ്ഞെടുത്ത സ്വപ്ന സംഘത്തിന്റെ ക്യാപ്റ്റന്‍ ധോണിയാണ്. നേരത്തെ ക്രിക്കറ്റ് ആസ്‌ത്രേലിയ തിരഞ്ഞെടുത്ത സംഘത്തിന്റേയും നായകന്‍ ധോണി തന്നെ.
വിസ്ഡന്‍ തിരഞ്ഞെടുത്ത ഇന്ത്യന്‍ ടെസ്റ്റ് ഇലവന്‍ (ബാറ്റിങ് ക്രമത്തില്‍)- ഗവാസ്‌കര്‍, സെവാഗ്, ദ്രാവിഡ്, സച്ചിന്‍, ലക്ഷ്മണ്‍, കപില്‍ ദേവ്, ധോണി (നായകന്‍), കുംബ്ലെ, ശ്രീനാഥ്, സഹീര്‍ ഖാന്‍, ബിഷന്‍ സിങ് ബേദി. പന്ത്രണ്ടാമനായി മുഹമ്മദ് അസ്ഹറുദ്ദീന്‍.
ക്രിക്കറ്റ് ആസ്‌ത്രേലിയ തിരഞ്ഞെടുത്ത ടീമില്‍ ശ്രീനാഥിനും ബേദിക്കും ഇടമില്ല. ഹര്‍ഭജന്‍ സിങ്, സൗരവ് ഗാംഗുലി എന്നിവരാണ് പട്ടികയിലുള്ളത്.