നിലമ്പൂര്‍: കോട്ടക്കല്‍ ആര്യവൈദ്യശാലയും ചക്കാലക്കുത്ത് വാര്‍ഡ് വികസനസമിതിയും നിലമ്പൂര്‍ ഫെയ്‌സ്ബുക്ക് കൂട്ടായ്മയും ചേര്‍ന്ന് സൗജന്യ മെഡിക്കല്‍ ക്യാംപും മുതിര്‍ന്ന പൗരന്‍മാരുടെ സംഗമവും നടത്തി. നഗരസഭാധ്യക്ഷ പത്മിനി ഗോപിനാഥ് ഉദ്ഘാടനം ചെയ്തു. ആരോഗ്യ സ്ഥിരംസമിതി ചെയര്‍പേഴ്‌സണ്‍ ഷേര്‍ളിമോള്‍ അധ്യക്ഷയായി.
ആര്യവൈദ്യശാല അഡ്മിനിസ്‌ട്രേറ്റീവ് ഓഫീസര്‍ മധുവാര്യര്‍, സ്ഥിരംസമിതി ചെയര്‍മാന്‍ എ.ഗോപിനാഥ്, കൗണ്‍സിലര്‍മാരായ ഡെയ്‌സി ചാക്കോ, ഷെരീഫ ശിങ്കാരത്ത്, എസ്.ഐ മനോജ് പറയറ്റ, സി.ടി രാജു, ഇ.പി ബോബി, സച്ചു ഗംഗ നായര്‍ സംസാരിച്ചു. അഡ്വ. പി ഗോവര്‍ദ്ധനന്‍,  റിട്ട. ഡി.എം.ഒ ഡോ. അബ്ദുറഹ്മാന്‍ എന്നിവര്‍ ക്ലാസെടുത്തു. ചടങ്ങില്‍ കലാവിരുന്നൊരുക്കി. ഡോക്ടര്‍മാരായ ശ്രീരാഗ് മേനോന്‍, കെ. ശ്രീരാജ് എന്നിവര്‍ രോഗികളെ പരിശോധിച്ചു. സീനിയര്‍ സിറ്റിസണ്‍സും നിലമ്പൂര്‍ പൊലിസും ചേര്‍ന്നു മുതിര്‍ന്ന പൗരന്‍മാര്‍ക്കായി നടപ്പാക്കുന്ന കൈത്താങ്ങ് പദ്ധതി അംഗത്വ വിതരണവും നടത്തി.