അസീസിയ ചെയര്‍മാന്റെ വീടിന് നേരെയുള്ള ആക്രമണം; പ്രതിഷേധം ശക്തം
കൊല്ലം: മീയ്യണ്ണൂര്‍ അസീസിയ മെഡിക്കല്‍ കോളജ് ചെയര്‍മാന്റെ വീടിന് നേരെ ഡി.വൈ.എഫ്.ഐ പ്രവര്‍ത്തകരുടെ ആക്രമണത്തില്‍ ജില്ലയില്‍ പ്രതിഷേധം ശക്തം. വിവിധ സംഘടനകളുടേയും രാഷ്ട്രീയ പാര്‍ട്ടികളുടേയും നേതൃത്വത്തില്‍ പ്രതിഷേധിച്ചു. വെള്ളിയാഴ്ച രാത്രിയോടെയായിരുന്നു ആക്രമണം. ആക്രമണത്തില്‍ അസീസിയ മെഡിക്കല്‍ കോളജ് ചെയര്‍മാന്‍ അബ്ദുല്‍ അസീസ്(55), ഭാര്യ ഹഫ്‌സത്ത്(48), മിഥിലാജ്(30), ഹസന്‍(28) എന്നിവര്‍ക്ക് പരിുക്കേറ്റു. ഇതില്‍ മിഥിലാജിനെ ജില്ലാ ആശുപത്രിയിലും മറ്റുള്ളവര്‍ നഗരത്തിലെ സ്വകാര്യ ആശുപത്രിയിലും ചികിത്സയിലാണ്.
കഴിഞ്ഞ ഏതാനും ദിവസങ്ങളായി അസീസിയ മെഡിക്കല്‍ കോളജില്‍ ജീവനക്കാരുടെ ശമ്പളവര്‍ധനവ് ആവശ്യപ്പെട്ട് ഡി.വൈ.എഫ്.ഐ പ്രവര്‍ത്തകര്‍ സമരം സംഘടിപ്പിച്ചിരുന്നു. സമരം ഒത്തുതീര്‍പ്പാക്കത്തതില്‍ പ്രതിഷേധിച്ചായിരുന്നു ആക്രമണം. ഇന്നലെ രാത്രി അബ്ദുല്‍ അസീസും കുടുംബവും ഒരു ചടങ്ങില്‍ പങ്കെടുത്ത ശേഷം ബീച്ച് റോഡിലുള്ള വീട്ടിലേക്ക് എത്തുമ്പോള്‍ നാല് ഡി.വൈ.എഫ്.ഐ പ്രവര്‍ത്തകര്‍ വീടിന്റെ മതിലില്‍ പോസ്റ്റര്‍ ഒട്ടിക്കുന്നത് ശ്രദ്ധയില്‍പ്പെട്ടു. ഇത് വിലക്കിയ ശേഷം കുടുംബാംഗങ്ങള്‍ വീട്ടിലേക്ക് കയറി. അല്‍പ്പനേരത്തിന് ശേഷം നിരവധി ബൈക്കുകളിലായി 25ഓളം പേരടങ്ങുന്ന ഡി.വൈ.എഫ്.ഐ പ്രവര്‍ത്തകര്‍ സംഘടിച്ചെത്തി ആക്രമണം അഴിച്ചുവിടുകയായിരുന്നു.
ആക്രമണത്തില്‍ മിഥിലാജിന്റെ കൈ ഒടിഞ്ഞു. ഒരു വയസുള്ള കുഞ്ഞിനെ വരെ ഉപദ്രവിച്ചതായി ആശുപത്രിയില്‍ ചികിത്സയില്‍ കഴിയുന്നവര്‍ പറഞ്ഞു. ഗേറ്റും വീട്ടിലെ ഗൃഹോപകരണങ്ങളും തകര്‍ത്തു.
പൊലിസ് ഉദാസീനത
വെടിഞ്ഞ് നടപടി
സ്വീകരിക്കണം: സമസ്ത
കൊല്ലം: അസീസിയാ മെഡിക്കല്‍ കോളജ് ചെയര്‍മാന്‍ എം അബ്ദുല്‍ അസീസിന്റെ വീട് ആക്രമിക്കുകയും അബ്ദുല്‍ അസീസിനെയും ഭാര്യയെയും രണ്ടു മക്കളെയും ആക്രമിച്ച് പരുക്കേല്‍പ്പിക്കുകയും ചെയ്ത സംഭവത്തില്‍ പൊലിസ് ഉദാസീനത വെടിഞ്ഞ് നടപടി സ്വീകരിക്കണമെന്ന് സമസ്ത നേതാക്കള്‍ ആവശ്യപ്പെട്ടു.
സമസ്ത ജില്ലാ പ്രസിഡന്റ് കുരീപ്പള്ളി ഷാജഹാന്‍ ഫൈസി, ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് മഹമൂദ് മുസ്‌ലിയാര്‍, ജനറല്‍ സെക്രട്ടറി ഷരീഫ് കാഷിഫി, എസ്.വൈ.എസ് സംസ്ഥാന സെക്രട്ടറി എസ് അഹമ്മദ് ഉഖൈല്‍, ജില്ലാ പ്രസിഡന്റ് അബ്ദുല്‍ ജവാദ് ബാഖവി, ജനറല്‍ സെക്രട്ടറി ഇ.കെ മുഹമ്മദ് ഷഹീദ് ഫൈസി, എസ്.കെ.എസ്.എസ്.എഫ് ജില്ലാ പ്രസിഡന്റ് മുഹമ്മദ് റാഫി റഹ്മാനി, ജനറല്‍ സെക്രട്ടറി സലീം ചടയമംഗലം, മുന്‍ സംസ്ഥാന വൈസ് പ്രസിഡന്റ് അബ്ദുല്ല കുണ്ടറ പങ്കെടുത്തു.
മുസ്‌ലിം സംഘടനകള്‍ പ്രതിഷേധിച്ചു
കൊല്ലം: അസീസിയ്യാ മെഡിക്കല്‍കോളജ് ചെയര്‍മാനും കേരളാമുസ്‌ലിം ജമാഅത്ത് ഫെഡറേഷന്‍ സിറ്റി കമ്മിറ്റി പ്രസിഡന്റും പൊതുകാര്യ പ്രസക്തനുമായ എം.അബ്ദുല്‍അസീസിന്റെ വീട്ടില്‍ കടന്നുകയറി അക്രമങ്ങള്‍ നടത്തുകയും ആക്ഷേപിക്കുകയും അദ്ദേഹത്തിന്റെ ഭാര്യയെയും മക്കളെയും കയ്യേറ്റം ചെയ്യുകയും ചെയ്ത ഡി.വൈ.എഫ്.ഐ പ്രവര്‍ത്തകരുടെ കിരാത പ്രവര്‍ത്തനങ്ങളില്‍ മുസ്‌ലിം സംഘടനാ നേതാക്കളുടെ അടിയന്തിരയോഗം ശക്തമായി പ്രതിഷേധിച്ചു.
പോലീസ് നിസ്സംഗതരാകാതെ കുറ്റവാളികളെ എത്രയുംവേഗം നിയമത്തിന്റെ മുമ്പില്‍ കൊണ്ട് വരണമെന്ന് യോഗം ആവശ്യപ്പെട്ടു. മുഖ്യമന്ത്രിയെയും കൊടിയേരി ബാലകൃഷ്ണനെയും നേരില്‍കണ്ട് പ്രതിഷേധമറിയിക്കുവാനും യോഗം തീരുമാനിച്ചു.
ജംഇയ്യത്തുല്‍ ഉലമാ സുവര്‍ണ്ണജൂബിലി ഹാളില്‍ കൂടിയ യോഗത്തില്‍ ജമാഅത്ത് ഫെഡറേഷന്‍ സംസ്ഥാന പ്രസിഡന്റ് കടയ്ക്കല്‍ അബ്ദുല്‍അസീസ് മൗലവി അദ്ധ്യക്ഷതവഹിച്ചു. ദക്ഷിണകേരള ജംഇയ്യത്തുല്‍ ഉലമാ സംസ്ഥാന സെക്രട്ടറി തൊടിയൂര്‍ മുഹമ്മദ് കുഞ്ഞ് മൗലവി യോഗം ഉദ്ഘാടനം ചെയ്തു. ഫെഡറേഷന്‍ സംസ്ഥാന ജനറല്‍സെക്രട്ടറി അഡ്വ:കെ.പി.മുഹമ്മദ് പ്രതിഷേധ പ്രമേയം അവതരിപ്പിച്ചു. ഫെഡറേഷന്‍ സംസ്ഥാന വൈസ്പ്രസിഡന്റ് എം.എ.സമദ്, ലജ്‌നത്തുല്‍ മുഅല്ലിമീന്‍ സംസ്ഥാന ജനറല്‍ സെക്രട്ടറി പാങ്ങോട് എ.ഖമറുദ്ദീന്‍ മൗലവി, വിദ്യാഭ്യാസ ബോര്‍ഡ് ചെയര്‍മാന്‍ എ.കെ ഉമര്‍ മൗലവി, ഫെഡറേഷന്‍ ജില്ലാ പ്രസിഡന്റ് ആസാദ് റഹീം, ജനറല്‍ സെക്രട്ടറി കണ്ണനല്ലൂര്‍ നിസാമുദ്ദീന്‍, താലൂക്ക് പ്രസിഡന്റ് റ്റി.ഐ.നൂറുദ്ദീന്‍ വൈദ്യര്‍, സെക്രട്ടറി മേക്കോണ്‍ അബ്ദുല്‍അസീസ്, യുവജന ഫെഡറേഷന്‍ സംസ്ഥാന വൈസ്പ്രസിഡന്റ് കാരാളി ഇ.കെ സുലൈമാന്‍ ദാരിമി, വിദ്യാര്‍ത്ഥി ഫെഡറേഷന്‍ സംസ്ഥാന പ്രസിഡന്റ് പുലിപ്പാറ എസ്.അബ്ദുല്‍ ഹക്കീം മൗലവി എന്നിവര്‍ സംസാരിച്ചു.
നേതാക്കള്‍ സന്ദര്‍ശിച്ചു
കൊല്ലം: അസീസിയ മെഡിക്കല്‍ കോളജ് ചെയര്‍മാന്‍ എം.അബ്ദുല്‍ അസീസിന്റെ വീട് ആക്രമിക്കുകയും അബ്ദുല്‍ അസീസിനെയും ഭാര്യയെയും രണ്ടു മക്കളെയും ആക്രമിച്ച് പരുക്കേല്‍പ്പിക്കുകയും ചെയ്ത സംഭവത്തില്‍ പ്രതിഷേധം ശക്തമായി. വിവിധ രാഷ്ട്രീയ കക്ഷിനേതാക്കളും സമുദായ സംഘടനാ നേതാക്കളും പരുക്കേറ്റ് ആശുപത്രിയില്‍ കഴിയുന്ന അബ്ദുല്‍ അസീസിനെയും കുടുംബാംഗങ്ങളെയും സന്ദര്‍ശിച്ചു.
മീയ്യന്നൂര്‍ അസീസിയ മെഡിക്കല്‍ കോളജില്‍ നടക്കുന്ന സമരത്തിന്റെ മറവില്‍ കൊല്ലത്തെ വീട്ടില്‍ ആക്രമണം നടത്തിയ ഡി.വൈ.എഫ് പ്രവര്‍ത്തകരെ എത്രയും വേഗം അറസ്റ്റ് ചെയ്യണമെന്ന് നേതാക്കള്‍ ആവശ്യപ്പെട്ടു.
എന്‍.കെ പ്രേമചന്ദ്രന്‍ എം.പി, മുന്‍ എം.പി എന്‍.പീതാംബരക്കുറുപ്പ്, മുന്‍ എം.എല്‍.എ യൂനുസ്‌കുഞ്ഞ്, എ.കെ ഹഫീസ്, മഹിളാ കോണ്‍ഗ്രസ് സംസ്ഥാന പ്രസിഡന്റ് ബിന്ദുകൃഷ്ണ, കേരള മുസ്‌ലിം ജമാഅത്ത് ഫെഡറേഷന്‍ സംസ്ഥാന പ്രസിഡന്റ് കടയ്ക്കല്‍ അബ്ദുല്‍ അസീസ് മൗലവി, ദക്ഷിണ കേരള ജംഇയ്യത്തുല്‍ ഉലമ സെക്രട്ടറി തൊടിയൂര്‍ മുഹമ്മദ്കുഞ്ഞ് മൗലവി, ജമാഅത്ത് ഫെഡറേഷന്‍ സെക്രട്ടറി കെ.പി മുഹമ്മദ്, എം.എ സമദ്, ഡി.സി.സി സെക്രട്ടറി ആദിക്കാട് ഗിരീഷ് തുടങ്ങിയവര്‍ ആക്രമണത്തില്‍ പരുക്കേറ്റവരെ സന്ദര്‍ശിച്ചു.
കൊല്ലൂര്‍വിള, ചാത്തിനാംകുളം, മേക്കോണ്‍, കണ്ടച്ചിറ മുസ്‌ലിം ജമാഅത്ത് കമ്മിറ്റി, മുസ്‌ലിം ലീഗ് കൊല്ലം ജില്ലാ കമ്മിറ്റി ആക്രമത്തെ അപലിപിച്ചു. പ്രതികളെ എത്രയും വേഗം പിടികൂടണമെന്നും അക്രമത്തിനെതിരേ ജനാധിപത്യ വിശ്വാസികള്‍ പ്രതികരിക്കണമെന്നും മുസ്‌ലിം ജില്ലാ പ്രസിഡന്റ് എ.യൂനുസ്‌കുഞ്ഞ്, ജനറല്‍ സെക്രട്ടറി എം.അന്‍സാറുദീന്‍ എന്നിവര്‍ ആവശ്യപ്പെട്ടു. മുസ് ലിം ലീഗ് സംസ്ഥാന വര്‍ക്കിംഗ് കമ്മിറ്റി അംഗം എ.അബ്ദുല്‍ റഹുമാന്‍, ഇരവിപുരം മേഖല പ്രസിഡന്റ് .എ.കെ അസനാരുകുഞ്ഞ്, ജനറല്‍ സെക്രട്ടറി എസ്.മുഹമ്മദ് സുഹൈല്‍ എന്നിവര്‍ സംഭവത്തില്‍ പ്രതിഷേധിച്ചു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."RELATED NEWS
ദുബൈ ഫിറ്റ്നസ് ചലഞ്ച് എട്ടാമത് എഡിഷന്റെ രജിസ്ട്രേഷൻ ആരംഭിച്ചു
uae
• 15 minutes ago
എഡിജിപി എം ആര്‍ അജിത്ത് കുമാറിനെതിരായ റിപ്പോര്‍ട്ട് ആഭ്യന്തര സെക്രട്ടറിക്ക് കൈമാറി; റിപ്പോര്‍ട്ടില്‍ ആര്‍എസ്എസ് കൂടിക്കാഴ്ചയും
Kerala
• 20 minutes ago
സമസ്ത പ്രാർത്ഥന ദിനം നാളെ
organization
• 31 minutes ago
നെടുമ്പാശ്ശേരി വിമാനത്താവളത്തില്‍ തങ്കവേട്ട; 85 ലക്ഷം രൂപയുടെ തങ്കം കസ്റ്റംസ് പിടിച്ചെടുത്തു
Kerala
• 36 minutes ago
രാജ്യത്തെ തൊഴില്‍ മേഖല നേരിടുന്നത് കടുത്ത പ്രതിസന്ധി; മുഖ്യമന്ത്രി പിണറായി വിജയന്‍
Kerala
• 39 minutes ago
സിദ്ദിഖിനെ തിങ്കളാഴ്ച ചോദ്യം ചെയ്യും; തിരുവനന്തപുരത്ത് ഹാജരാകണമെന്ന് നോട്ടീസ്
Kerala
• an hour ago
ഹരിയാനയില്‍ കോണ്‍ഗ്രസ് മുന്നേറ്റം; എക്‌സിറ്റ് പോള്‍ ഫലം പുറത്ത്
National
• an hour ago
മാർക്ക് കൂട്ടി നൽകാൻ കൈക്കൂലി; അധ്യാപകന് തടവും പിഴയും
uae
• an hour ago
ഒമാൻ; മഴ മുന്നറിയിപ്പുമായി അധികൃതർ
oman
• 2 hours ago
രോഗ വ്യാപന കാരണം കണ്ടെത്തുന്നതിന് സംയോജിത പരിശോധനാ സംവിധാനം എല്ലാ ജില്ലകളിലും നടപ്പിലാക്കുമെന്ന് മന്ത്രി വീണാ ജോര്‍ജ്
Kerala
• 2 hours ago
മുഖ്യമന്ത്രിയുടെ ഓഫിസ് ഇടപെട്ടു; എഡിജിപി അജിത് കുമാറിനെ ശബരിമല അവലോകന യോഗത്തില്‍നിന്ന് ഒഴിവാക്കി
Kerala
• 3 hours ago
സാങ്കേതിക തകരാര്‍; ഇന്‍ഡിഗോയുടെ വിമാനസര്‍വീസുകള്‍ താളംതെറ്റി, വലഞ്ഞ് യാത്രക്കാര്‍
National
• 3 hours ago
പണം തെരഞ്ഞെടുപ്പ് വിജയത്തിനായി ഉപയോഗിക്കുന്നു; മയക്കുമരുന്ന് വേട്ടയില്‍ കോണ്‍ഗ്രസിനെ പരിഹസിച്ച് പ്രധാനമന്ത്രി
National
• 3 hours ago
സയ്യിദുൽ ഉലമയെ ദുബൈ എയർ പോർട്ടിൽ സ്വീകരിച്ചു
uae
• 4 hours ago
ആകാശവാണി മുന്‍ വാര്‍ത്താ അവതാരകന്‍ എം രാമചന്ദ്രന്‍ അന്തരിച്ചു
Kerala
• 6 hours ago
കോഴിക്കോട് നടുവണ്ണൂരില്‍ 15കാരനെ കാണാതായതായി പരാതി
Kerala
• 7 hours ago
കെ.എസ്.ആര്‍.ടി.സി ബസ്സും ബൈക്കും കൂട്ടിയിടിച്ച് യുവാവിന് ദാരുണാന്ത്യം
Kerala
• 8 hours ago
ബലാത്സംഗക്കേസ്: ചോദ്യം ചെയ്യലിനായി ഹാജരാകാമെന്നറിയിച്ച് നടന്‍ സിദ്ദിഖ്; നോട്ടിസ് നല്‍കി വിളിപ്പിച്ച ശേഷം മൊഴിയെടുക്കുമെന്ന് അന്വേഷണസംഘം
Kerala
• 8 hours ago
റൂവി മലയാളി അസോസിയേഷൻ (ആർ എം എ ) നവംബർ 1 ന് കേരള പിറവി ദിനത്തിൽ ഓണാഘോഷം "ആർപ്പോ ഇറോറോ 2024" ലും ആർ എം എ പ്രിവിലേജ് കാർഡ് ലോഞ്ചിങ്ങും സംഘടിപ്പിക്കുന്നു
latest
• 4 hours ago
പി.വി അന്‍വര്‍ ഡി.എം.കെയിലേക്ക്?; ചെന്നൈയിലെത്തി നേതാക്കളെ കണ്ടു
Kerala
• 4 hours ago
വരും ദിവസങ്ങളില്‍ സംസ്ഥാനത്ത് മഴ കനക്കും; വിവിധ ജില്ലകളില്‍ ഓറഞ്ച് അലര്‍ട്ട്
Kerala
• 5 hours ago