ദോഹ: യുവകലാസാഹിതി ഖത്തര്‍ ഈദ് -ഓണം ആഘോഷം ഈണം 2016 ദോഹ ക്രിസ്റ്റല്‍ പാലസ് ഹോട്ടലില്‍ അലി ഇന്റര്‍നാഷണല്‍ ജനറല്‍ മാനേജര്‍ മുഹമ്മദ് ഈസ ഉദ്ഘാടനം ചെയ്തു.യു.എ.ഇ എക്‌സ്‌ചേഞ്ച് കണ്‍ട്രി ഹെഡ് മത്തായി വൈദ്യന്‍ ഓണം-ഈദ് സന്ദേശം നല്‍കി. ഖത്തറിലെ സാംസ്‌കാരിക സംഘടനയായ യുവകലാസാഹിതി ഏര്‍പ്പെടുത്തിയ എക്‌സലന്‍സി അവാര്‍ഡുകള്‍ പ്രസിഡന്റ് കെ.ഇ.ലാലു വിതരണം ചെയ്തു .കലാപരിപാടികളും ഓണപ്പാട്ടുകളും മാപ്പിളപ്പാട്ടുകളുംകൊണ്ട് സമ്പന്നമായ ആഘോഷ പരിപാടികളില്‍ പ്രവാസലോകത്തെ കലാകാരന്മാര്‍ പങ്കെടുത്തു. കലാമത്സരങ്ങളുടെ സമ്മാനദാനം ജനറല്‍ സെക്രട്ടറി യേശുദാസ് നിര്‍വഹിച്ചു. രാജശേഖരന്‍ പിള്ള, റെജി പുത്തൂരാന്‍,രാഗേഷ്,ഷാനവാസ്, ഉപോട്ട് അനില്‍കുമാര്‍ എന്നിവര്‍ ആശംസകള്‍ നേര്‍ന്നു.