ഇസ്‌ലാമാബാദ്: ഉറി ഭീകരാക്രമണത്തില്‍ പാകിസ്താനെ പ്രതിചേര്‍ത്ത് കോഴിക്കോട്ട് പ്രധാനമന്ത്രി നടത്തിയ പ്രസംഗത്തിനു മറുപടിയുമായി പാക് വിദേശകാര്യ മന്ത്രാലയം. പാകിസ്താനിലെ വിവിധ സ്ഥലങ്ങളില്‍ ഇന്ത്യ തീവ്രവാദം വളര്‍ത്തുകയാണെന്നും ഉറി ആക്രമണത്തിനു പാകിസ്താനെ കുറ്റപ്പെടുത്തുന്നത് അടിസ്ഥാനപരവും അസത്യവുമാണെന്നും പാക് വിദേശകാര്യ മന്ത്രാലയം പ്രസ്താവനയില്‍ പറഞ്ഞു. പ്രകോപനപരമായ പ്രസ്താവനയാണ് ഇന്ത്യയിലെ ഉന്നത രാഷ്ട്രീയ നേതൃത്വത്തില്‍ നിന്നുണ്ടാകുന്നത്. കശ്മിരില്‍ നിന്ന് ലോകശ്രദ്ധ തിരിക്കാനാണ് ഇന്ത്യയുടെ ശ്രമമെന്നും പാകിസ്താന്‍ കുറ്റപ്പെടുത്തി.